Aldaǵy úsh kúnde Qazaqstanda aýa raıy kúrt ózgeredi — «Qazgıdromet» sınoptıkteri atmosferalyq prosesterdiń aýysýy týraly eskertti, dep habarlaıdy infohub.kz saıty.
Elde jaýyn-shashynsyz salqyn aýa raıyn ustap turǵan antısıklonnyń ornyna jańbyrly sıklon keledi. Ol naızaǵaı men daýyldy jelmen birge nóser jańbyr ákeledi. Aýa raıynyń qolaısyzdyǵy eń aldymen batys óńirlerdi qamtıdy, keıin soltústikke taralady.
Alaıda eldiń ońtústiginde Ózbekstannan kelgen jyly aýa massalarynyń áserinen jaýyn-shashynsyz jyly aýa raıy saqtalady.
Astanada 17 qyrkúıekte bultty, jaýyn-shashynsyz aýa raıy kútiledi. Ońtústik-batystan soqqan jel ekpini 9–14 m/s jetedi. Túnde aýa temperatýrasy +6…+8°S, kúndiz +23…+25°S bolady.
Almatyda da bultty, jaýyn-shashynsyz aýa raıy ornaıdy. Jel 3–8 m/s jyldamdyqpen soǵady. Túnde aýa temperatýrasy +12…+14°S, kúndiz termometr baǵany +25…+27°S kórsetedi.
Shymkentte bultty, jańbyrsyz aýa raıy bolady. Jel ekpindi: 15–20 m/s deıin. Túnde termometr +14…+16°S, kúndiz aýa +28…+30°S deıin jylynady.
Buǵan deıin «Kýrsıv» 16 qyrkúıekte Qazaqstanda naızaǵaıly jańbyr, qatty jel, tuman jáne shańdy daýyl bolady dep boljaǵan. Astanada jáne eldiń 16 oblysynda daýyldy eskertý jarıalandy.