«Otbasy banki» basqarma tóraǵasynyń orynbasary Jansultan Mataı Ortalyq komýnıkasıalar qyzmetindegi brıfıńte memleketten turǵyn úı alý kezeginde turǵandarmen júrgizilip jatqan jumys týraly aıtty, dep habarlaıdy infohub.kz saıty.
Jansultan Mataı 2026 jyly «Otbasy bankine» ákimdikterdegi kezekte turǵandarǵa turǵyn úı bólý fýnksıasy berilgenin eske saldy.
«Búgingi tańda 10 myńnan astam kredıt jáne 19 myńnan astam jaldamaly turǵyn úı berildi. Osylaısha, 29 myńnan astam adam turǵyn úı alǵandyqtan, kezekten shyǵaryldy. Sondaı-aq sońǵy bir jylda kezekti túgendeý aıasynda 64 894 adam kezekten shyǵaryldy. Olardyń qatarynda memlekettik qoldaý sharalaryn alǵandar da bar», — dedi ol.
Onyń dereginshe, «Otbasy bankine» kezekte turǵan adamdar týraly málimetterdi olardyń kelisiminsiz ózektendirýge ruqsat berilgendikten, bul jumys kúsheıtiledi.
«Bizdiń paıymdaýymyzsha, olardyń 30–40%-y shynymen turǵyn úıge muqtaj emes. Ótken jyldyń qazan aıynan bastap kezekte turǵan adamdarǵa turǵyn úı alý úshin bazadaǵy ózderi týraly málimetterdi jańartý, ıaǵnı túgendeýden ótý qajettigin aıtyp kelemiz. Alaıda adamdardyń jartysynan kóbi buǵan asyqpaıdy. Bul neni kórsetedi? Derekterdi óńdeýge kelisim bermegenderdiń kezekte turýǵa negizi joq bolýy ábden múmkin. Buryn biz bul jumysty belsendi júrgize almadyq, sebebi derbes derekterdi óńdeýge kelisim qajet edi. Qazir Ulttyq damý ınstıtýty retinde bizge adamnyń kelisiminsiz túgendeý júrgizýge ruqsat berildi. Bul jumysty jalǵastyramyz. Osyndaılardy anyqtaıtyn bolamyz, olarǵa qatysty tıisti sharalar qabyldanady», — dedi ol.
Onyń dereginshe, ákimdikter turǵyn úı kezeginde turǵan 642 myń adamnyń tizimin tapsyrǵan.
Buǵan deıin bir jylda Qazaqstanda 30 myńǵa jýyq kezekte turǵan adamǵa turǵyn úı bólingenin habarlaǵan bolatynbyz. Al 14 qyrkúıekten bastap turǵyn úı kezegi jańa erejeler boıynsha jumys isteı bastady.