Túrkistan oblysynda polıseıler Almaty – Tashkent – Termez tas jolynda jalǵan nómiri bar kólikti qýyp, ustady, dep habarlaıdy infohub.kz saıty.
Polisia.kz Telegram-arnasynyń málimetinshe, polısıanyń sıfrlyq júıesi Almaty – Tashkent – Termez tas jolynda jalǵan memlekettik nómir belgisi bar Toyota Camry kóligin anyqtaǵan. Aqparat patrúldik ekıpajǵa berildi.
Kólikti toqtatý áreketi kezinde júrgizýshi polısıanyń zańdy talabyn elemeı, qashýǵa tyrysqan. Patrúlder buzýshyny jedel ustady. Rólde Saryaǵash aýdany Jańa Turmys aýylynyń 26 jastaǵy turǵyny otyrǵany anyqtaldy.
Buzýshy birneshe bap boıynsha ákimshilik jaýapkershilikke tartyldy, onyń ishinde jalǵan memlekettik nómir belgisin paıdalaný, qujatsyz kólik júrgizý jáne bılik ókiliniń zańdy talabyna baǵynbaý. Sot sheshimimen ol bes táýlikke qamaqqa alyndy. Sonymen qatar, oǵan 40 AEK (173 myń teńge) kóleminde aıyppul salyndy. Kólik tárkilenip, aıyppul turaǵyna qoıyldy.