Túrkistan oblysynyń 66 jastaǵy turǵynyna qatysty qylmystyq is sotqa joldandy. Ol toıda aıtqan janjaldy tilegi úshin ustalǵan edi, dep habarlaıdy infohub.kz.
Túrkistan oblysy polısıa departamentiniń baspasóz qyzmetinen málim etkendeı, er adamǵa qatysty is materıaldary sotqa jiberildi.
Eske salaıyq, oqıǵanyń vıdeosyn ánshi Roza Alqoja óziniń Instagram paraqshasynda jarıalaǵan. Ol toı Jetisaıda ótkenin, tilekti qalyńdyqtyń týysy aıtqanyn atap ótken.
Er adam sózinde toıda аlkogólden bas tartqannan keıin taǵy eki qadam jasaý kerektigin aıtqan. «Birinshiden, mýzykadan arylý kerek. Ekinshiden, erler men áıelder bólek otyrýy tıis. Ánshiler meni keshirsin. Eger toıdy ánshilersiz ótkizse, olar juldyz bolýdy qoıyp, tanymaldyǵyn joǵaltady. Sharıǵatta olardy «shaıtannyń jarshysy» dep ataıdy», — degen qonaq.
Ánshiniń pikirinshe, mundaı sózder er adamnyń destrýktıvti dinı aǵymdardyń birine jaqyndyǵyn kórsetýi múmkin.
Toı qonaǵynyń sózine Erlan Qarın jáne Qazaqstan musylmandary dinı basqarmasynyń ókilderi jaýap berdi.
Keıinirek Túrkistan oblysynyń 66 jastaǵy turǵynyna qatysty dinı jáne áleýmettik alaýyzdyqty qozdyrý belgileri boıynsha qylmystyq is qozǵalǵany belgili boldy. Kúdikti ustalyp, ýaqytsha ustaý ızolátoryna qamaldy.