Astana turǵyny Túrkıaǵa sapar shegýdi armandap, alaıaqtyń qurbany bolyp, 600 myń teńgesinen aıyryldy. Oqıǵa er adamnyń vıza rásimdeýge kómek surap, deldalǵa júgingennen keıin bolǵan, dep habarlaıdy infohub.kz.
Qazaqstan astanasynda ınternet-alaıaqtyq faktisi boıynsha qylmystyq is tergelýde. Polısıa málimetinshe, 28 jastaǵy kúdikti áleýmettik jeliler men messendjerler arqyly azamattarǵa Túrkıaǵa vıza rásimdeý qyzmetin usynǵan.
Polısıadaǵylardyń aıtýynsha, alaıaq jábirlenýshiniń senimine kirip, qujattardy daıyndaý jáne vıza rásimdeý shyǵyndaryn jabý qajettigin alǵa tartyp, odan aldyn ala tólem alǵan. Alaıda ol óz mindettemelerin oryndamaǵan. Aqshany alǵannan keıin kúdikti ártúrli syltaýlarmen ýádesin keıinge shegerip, keıin múldem baılanysqa shyqpaı qoıǵan. Nátıjesinde jábirlenýshige 600 myń teńge kóleminde materıaldyq zalal keltirilgen.
Jedel-izdestirý is-sharalary barysynda polısıa qyzmetkerleri kúdiktiniń tulǵasyn anyqtap, ony ustaǵan. Osy fakti boıynsha sotqa deıingi tergeý júrgizilýde.
Polısıa azamattardy ınternet arqyly usynylatyn qyzmetterdi paıdalanýda barynsha saq bolýǵa shaqyrady. Vıza rásimdeý, jumysqa ornalasý nemese basqa da aqyly qyzmetter úshin aldyn ala tólem aýdarar aldynda qyzmet kórsetýshiniń qyzmetiniń zańdylyǵy men senimdiligine kóz jetkizý qajet. Kúmándi usynystarǵa senbeńiz, tek resmı uıymdar men lısenzıasy bar agenttikterge júginińiz.