Batys Qazaqstan oblysynda ýchaskelik ınspektordyń sergektiginiń arqasynda balaly otbasy aman qaldy. Ol túnde órtti baıqap, uıyqtap jatqandardy oıatqan, dep habarlaıdy infohub.kz saıty.
İshki ister mınıstrliginiń málimetinshe, oqıǵa 1 qyrkúıekke qaraǵan túni Jańǵala aýdanynyń Qyrqopa aýylynda bolǵan. Patrúldeý kezinde ýchaskelik ınspektor Nurlybaı Nurmuhanov bir úıdiń ústinen qoıý tútin kóterilip jatqanyn baıqaǵan.
Shamamen 04:30-de polısıa qyzmetkeri dereý oqıǵa ornyna bet alǵan. Ol jerge jetkende, turǵyn úıge irgeles ornalasqan mal qorasynyń janyp jatqanyn jáne ottyń úıge qaraı taraı bastaǵanyn kórgen.
Ýaqyt joǵaltpaı, polıseı úı turǵyndaryn oıatyp, olarǵa balalarymen birge qaýipti aımaqtan shyǵýǵa kómektesken. Órt sóndirýshiler kelgenge deıin ol úı ıelerimen birge janǵan qoradan maldy alyp shyǵyp, qumnyń kómegimen ottyń turǵyn úıge taraýyna jol bermeı, oqshaýlaý sharalaryn qoldanǵan.
Úı ıesi Esqalı Muratov qutqarýshyǵa alǵysyn bildirdi: "Eger Nurlybaı kelip, bizdi oıatpaǵanda, bizge jáne balalarymyzǵa ne bolar edi, tipti bilmeımin. Bizdiń otbasy oǵan sheksiz rıza".
Osylaısha, otbasy apattan aman qalyp, turǵyn úı men múlik órtten saqtalyp qaldy.