Jetisý oblysynda Qazaqstan azamattyǵyn saqtap qalǵanyna qaramastan, elden shyǵyp ketkenine baılanysty toqtatylǵan zeınetaqy tólemderi qaıta jalǵastyryldy. Bul týraly infohub.kz saıty habarlaıdy.
NUR.KZ prokýratýraǵa silteme jasap habarlaǵandaı, oblystyq qadaǵalaý organy júrgizgen jumystyń aıasynda Kóksý aýdanynyń turǵynyna zeınetaqy tólemderin qalpyna keltirdi. Tólemder onyń elden shyǵyp ketýine baılanysty toqtatylǵan edi, alaıda ol Qazaqstan Respýblıkasynyń azamattyǵyn saqtap qalǵan.
«Osy jumys aıasynda oblys prokýratýrasy Kóksý aýdanynyń turǵynyna Qazaqstan Respýblıkasynyń azamattyǵy saqtalǵanyna qaramastan, elden shyǵyp ketýine baılanysty toqtatylǵan zeınetaqy tólemderin qalpyna keltirdi. Qabyldanǵan sharalardyń nátıjesinde zeınetaqy tólemderi 2023 jylǵy 1 shildeden bastap qaıta jalǵastyryldy. Toqtatylǵan kezeń úshin azamatqa tolyq kólemde tólenýge tıis 2,3 mln teńgeden astam soma esepteldi», — dep málimdedi prokýratýrada.
Qadaǵalaý organynda eske salǵandaı, QSN №79 normatıvtik qaýlysyna sáıkes memlekettik bazalyq zeınetaqy tólemin jáne jasyna baılanysty zeınetaqy tólemin taǵaıyndaý men alý quqyǵyn iske asyrý kezinde Qazaqstan Respýblıkasynyń azamatyna, eger ol zańda belgilengen ózge de sharttardy saqtaǵan bolsa, Qazaqstan Respýblıkasynyń aýmaǵynda turaqty turý talaby qoıylmaıdy.