tengrinews.kz
17 жыл сенім артқан бақташы 46 миллион теңгеден астам мал ұрлады
Жетісу облысында 17 жыл бойы сенім артқан бақташы 46 миллион теңгеден астам мал ұрлап кетті. Бұл туралы өңірлік Полиция департаментінің баспасөз қызметіне сілтеме жасап Infohub.kz ақпарат агенттігі хабарлайды.
Ескелді ауданының тұрғыны 13 сәуірде полицияға хабарласып, жайылымнан 39 бас алатаулық тұқымды сиырының қайтып оралмағанын айтқан. Жедел-іздестіру шаралары басталған.
17 жылдық сенімнің соңы неге ұласты?
Жедел-тергеу барысында оқиғаның мән-жайы анықталды. Мал бағумен 17 жыл бойы айналысқан 45 жастағы бақташының өзі осы қылмысқа қатысы бар болып шықты. Ол сенімді қызметкер ретінде есептелген.
Қазіргі уақытта тергеу жалғасып жатыр. Ұрланған малдың барлығы иесіне табыс етілді. Полиция департаменті бұл жағдайдың иесі мен бақташы арасындағы ұзақ жылғы сенімге селкеу түсіргенін атап өтті. Дегенмен, тәжірибе көрсеткендей, көп жылдық сенім де әрқашан адалдықтың кепілі бола бермейді екен.
Азаматтарға ескерту
Тәртіп сақшылары азаматтарды сақ болуға, мүліктерін мұқият бақылауға және күдікті жағдайлар туралы уақытылы хабарлауға шақырады. Өйткені, қоғамдағы тәртіп пен қауіпсіздікті тек бірлескен күш-жігермен ғана қамтамасыз етуге болады.
-
Қытайда туып-өскен белсенді Серікжан Біләштің марқұм ақын Мұхтар Шаханов туралы айтқан сөздері қоғамда қызу талқыға түсті. Оның пікіріне белгілі блогер Абзал Ибрашев те қарсы шықты.
-
A herdsman with 17 years of service betrayed his employer's trust, stealing cattle valued at over 46 million tenge. Police have recovered all the stolen livestock.
