tengrinews.kz
Абай облысында 20 мысық пен мысықшаны далаға тастап кетті
Абай облысында жабайы жануарларға қатысты қатыгездік фактісі тіркелді. Шамамен 20 мысық пен мысықша қала сыртына жәшіктерге салынған күйінде тастап кетілген.
Бұл туралы Infohub.kz ақпарат агенттігі хабарлайды.
Жәшіктер Абай тас жолында, әуежайдан Қарауыл ауылына қарай шамамен үш шақырым жерде табылды. Жануарлардың кейбірі жабық жәшіктерде, ал кейбірі тығыз қаптарда болған. Алдын ала мәліметтер бойынша, шамамен жеті мысықты құтқару мүмкін болған, ал 12-ге жуық жануар көз жұмды.
Жануарларды құтқару
Жәшіктерді тапқан адамдар оларды ашып, тірі қалған жануарларды босатқан. Оқиға орнында байланыс болмағандықтан, ақпаратты ОСА қоғамдық бірлестігіне жеткізді. Сондай-ақ, сол жерден Семей қаласындағы кафелердің бірінің аты жазылған кесте табылған.
Полиция тергеу жүргізуде
Әлеуметтік желілерде Абай облыстық полиция департаментіне ҚР ҚК-нің 316-бабы (жабайы жануарларға қатыгездік көрсетіп, олардың өліміне әкеп соқтыру) бойынша тексеру жүргізу туралы өтініш жасалды. Полиция қызметкерлері дереу оқиға орнына шығып, қазіргі уақытта барлық мән-жайды анықтап, кінәлі тұлғаларды анықтау бойынша жұмыстар жүргізілуде.
Кейінірек кафе өкілі әлеуметтік желіде жануарларды шығаруға қызметкерлерінің қатысы жоқ екенін мәлімдеді.
-
Казахстанская фристайлистка Юлия Галышева объявила о завершении олимпийской карьеры после Игр в Италии. Спортсменка поделилась своими достижениями и нереализованными мечтами.
-
A disturbing act of animal cruelty has been reported in the Abai region, where approximately 20 cats and kittens were found abandoned in boxes, leading to a police investigation.
