InfoHub Logo

Ақтау қаласындағы мамандандырылған IT-лицейдің 11-сынып оқушылары биылғы мектеп бітіру кешін қайырымдылықпен алмастырды. Жас түлектер сән-салтанатты мерекеден бас тартып, оған бөлінетін қаражатты ерекше қажеттілігі бар балаларға көмектесетін «Періште» орталығына аударуды жөн көрді.

Игі іске лицейдің 97 түлегі бір ауыздан келісіп, ортақ шешім қабылдаған. Бұл – тек материалдық емес, рухани дамудың да айқын көрінісі. Олар бұл бастаманы өмірлік ұстаным мен жауапкершіліктің символы ретінде бағалайтынын жеткізді.

Мектеп ұжымы мен ата-аналар да бұл шешімді қолдап, жас түлектерге алғысын білдірді. Ал «Періште» орталығының ұжымы бұл көмектің балалар үшін үлкен қуаныш пен қолдау екенін атап өтті.

 Жастардың бұл әрекеті – өзгелерге үлгі, қоғамда мейірімділік пен жанашырлықтың әлі де бар екенін дәлелдеген жарқын оқиға.