InfoHub Logo

1961 жылдың 12 сәуірінде Юрий Гагарин ғарышқа ұшып, адамзат тарихында жаңа парақ ашты. Алайда, бұл тарихи сапардың астарында жатқан қауіп-қатерлер мен құпия жоспарлар туралы көпшілік біле бермейді. Ғарышкердің жерге аман-есен оралуына ешкім толық сенімді болмаған.

Бұл туралы Infohub.kz ақпарат агенттігі хабарлайды.

Ұшу барысындағы қиындықтар

Ғарыш кемесінің ұшуы басталғанымен, 67-минутта тежеу жүйесі іске қосылғанда күтпеген ақаулар орын алды. Жүйе әлсіз импульс беріп, кеменің траекториясы өзгеріп, атмосфераға кірер алдында бақылаусыз айнала бастады. Гагарин қатты жүктемелерді бастан кешіріп, сыртқы қабаттың жанып жатқанын көріп, тіпті эфирге: "Мен жанып жатырмын, қош болыңдар, жолдастар", – деп хабарлаған.

11 төтенше жағдай және АҚШ қаупі

Ғарышкер катапульт арқылы аман-есен секіргенімен, жерге оралу кезінде басқару орталығы 11 түрлі төтенше жағдайды тіркеген. Ең басты қауіп – Гагариннің Кеңес Одағынан тыс, тіпті басты қарсылас АҚШ аумағына қонуы мүмкін деген ой болды. Мұндай жағдайдың алдын алу үшін арнайы әрекет жоспары жасалды. Гагаринге арнайы космонавт куәлігі беріліп, оны шпион деп тұтқындамау үшін пайдалану көзделді. Егер ол АҚШ-қа қонса, Мәскеу БҰҰ-ның 1959 жылғы резолюциясына сүйеніп, халықаралық қолдау сұрамақ болған.

Үш құпия конверт

Сол күні кеңестік БАҚ-қа үш түрлі жабық конверт дайындалды:

Бақытымызға орай, тек бірінші конвертті ашу қажет болды. Юрий Гагарин аман-есен жерге оралып, адамзат тарихындағы алғашқы ғарышкер атанды.