InfoHub Logo

Қостанай облысында 2025 жылы халықтың өлім-жітім көрсеткіші маусымдық өзгерістерге ұшырап отырды. Статистика бюросының деректеріне сүйенсек, жыл басында, наурыз айында өлім-жітім ең төменгі деңгейде (600 адам) болса, желтоқсан айында бұл көрсеткіш 807 адамға жетіп, жылдық максимумға айналды.

Бұл туралы Infohub.kz ақпарат агенттігі хабарлайды.

Жыл бойы ай сайынғы өлім-жітім саны 600-ден 742 адамға дейін өзгеріп отырғанымен, жыл соңына қарай тұрақты өсім байқалды. Қазан айынан бастап өлім-жітім арта бастап, желтоқсанда ең жоғары шегіне жетті.

Қостанай қаласы – өлім-жітімнің басты орталығы

Облыстағы жалпы өлім-жітім көрсеткішінің шамамен төрттен бірі Қостанай қаласына тиесілі. Мәселен, желтоқсан айында облыс орталығында 240 адам қайтыс болды. Бұл көрсеткіш облыстық деңгейдегі өлім-жітімнің 25-30 пайызын құрайды.

Басқа қалалар арасында Рудный қаласында ай сайынғы өлім-жітім саны 95-тен 150 адамға дейін жетеді. Ал Лисаковск пен Арқалық қалаларында бұл көрсеткіштер әлдеқайда төмен және біркелкі сипатта.

2026 жылдың басындағы жағдай

2026 жылдың қаңтар айында облыста 596 адам қайтыс болды. Бұл көрсеткіш өткен жылдың көптеген айларымен салыстырғанда төмен.