InfoHub Logo

Қазақ ұлттық өнер университетінде белгілі актриса Меруерт Өтекешеваға қатысты дау шықты. Студенттердің айтуынша, факультет деканы Ернияз Бірімқұлов оларға қысым көрсетіп, жасырын жиналыстар ұйымдастырған.

Бұл туралы Infohub.kz ақпарат агенттігі хабарлайды.

Студенттер ұстаздарына қарсы жазылған арыздардың өз еркімен емес, деканның ықпалымен жазылғанын мәлімдеді. Олардың сөзінше, арыз мәтінін деканның өзі дайындап берген. Бұл жағдай оқу процесіне кері әсер еткенін айтып, студенттер әділдік талап етуде.

Ал Меруерт Өтекешева бұл істі өзінің беделіне нұқсан келтіру әрекеті деп санайды. Актриса бұл жағдайды әріптесімен төрт жыл бірге жұмыс істегеннен кейін орын алғанын айтты.