InfoHub Logo

Халық ақыны Мұхтар Шахановтың өмірден озғанына байланысты қоғамда елеулі резонанс тудырған пікірлер айтылуда. Атап айтқанда, АҚШ-та тұратын Серікжан Біләштің марқұм ақынға қатысты айтқан сөздері көпшіліктің наразылығын туғызды.

Бұл туралы Infohub.kz ақпарат агенттігі хабарлайды.

Әлеуметтік желіде тараған бейнежазбада Серікжан Біләш Мұхтар Шахановтың шығармашылығын мойындай отырып, оның жеке тұлғасына қатысты сын айтқан. Алайда, бұл пікірлер, әсіресе, ақынның қайғылы қазасынан кейін айтылғандықтан, көпшіліктің ашуын келтірді. Зиялы қауым өкілдері мен қарапайым азаматтар мұндай сөздерді адамгершілікке жат және ұлттық құндылықтарға нұқсан келтіретін әрекет деп бағалады.

АҚШ-тағы қазақтардың үнқатуы

Осы жағдайға байланысты АҚШ-тағы қазақ қауымы да өз алаңдаушылығын білдірді. Олардың айтуынша, мәселе жеке пікірге қысым көрсету емес, қоғам алдында айтылған сөздің моральдық салмағын бағалау болып табылады.

«Біз Қазақстаннан жырақ жүрсек те, қазақтың рухани кеңістігінен тыс қала алмаймыз. Біләштің сөзі Америкадағы, Алматыдағы, Астанадағы қазақтың жүрегіне бірдей тиді. Мұхтар Шаханов – тіл, ұлт, рух, намыс сияқты ұғымдармен қатар аталатын тұлға. Сондықтан оның өмірден кеткеніне байланысты айтылған ауыр сөздерді біздің қауымдастық тек «жеке пікір» ретінде қабылдамай отыр», – дейді аты-жөнін жарияламауды өтінген АҚШ-тағы қазақстандықтардың бірі.