InfoHub Logo

Шымкентте тегін балмұздақ таратқан кәсіпкер 5 тәулікке қамалды,деп хабарлайды Инфохаб тілшісі.

1 маусым – Халықаралық балаларды қорғау күніне орай Шымкенттің "Тұран-2" ықшамауданындағы "Жаңалық" сауда үйі маңында өткен тегін балмұздақ тарату шарасы тәртіп бұзушылықпен аяқталды.

Акция барысында адамдар балмұздақ үшін таласып, қоғамдық тәртіп бұзылған. Жиналған жұрт балмұздақ лақтырып, айқай-шуға себеп болған.

Полиция мәліметінше, шараны ұйымдастырған кәсіпкерге 50 айлық есептік көрсеткіш (196 600 теңге) көлемінде айыппұл салынды және ол ұсақ бұзақылық бойынша 5 тәулікке әкімшілік қамауға алынды.