InfoHub Logo

Түркістан қаласындағы жеке мектептің екі бірдей түлегі – Айсұлтан Жанбырбай мен Жасұр Нышанбаев Ұлттық бірыңғай тестілеуден (ҰБТ) 140 балл жинап, ерекше көзге түсті.

Бұл туралы Infohub.kz ақпарат агенттігі хабарлайды.

Облыстық білім басқармасының мәліметінше, екі оқушы да бір сыныпта оқыған. Олар бірдей бейіндік пәндерді – Дүниежүзі тарихы мен ағылшын тілін таңдапты.

Талапты шәкірттердің алғышарттары

Айсұлтан мен Жасұр бұған дейін халықаралық IELTS емтиханынан да 6,5 балл алып, жоғары дайындығын көрсеткен. Бұл көрсеткіш олардың тек ұлттық тестілеуге ғана емес, халықаралық білім стандарттарына да дайын екенін дәлелдеді. Ағылшын тіліне деген қызығушылық пен білімге ұмтылыс олардың табысының негізгі факторы болды.

Жетістікке жету жолы

Түркістан қаласының тұрғыны Жасұр Нышанбаев қаңтардағы ҰБТ-да 120 балл, наурызда 128 балл жинаған. Ал мамырдағы негізгі тестілеуде ол ең жоғары 140 баллды иеленді.

Ал Шымкенттен келіп, мектеп жанындағы жатақханада тұрған Айсұлтан Жанбырбай қаңтарда 125, наурызда 128 балл жинап, әр кезеңде нәтижесін үнемі жақсартып отырды. Қорытындысында ол да 140 баллға қол жеткізді.

Болашақ жоспарлары

Екі түлек те Астанадағы М. Нарикбаев атындағы университетіне «Аударма ісі» мамандығы бойынша оқуға түсуді жоспарлап отыр. Олар болашақта халықаралық салада жұмыс істеуді көздейді.