استانادا جيىرما جىلدان استام ۋاقىت بۇرىن جاسالعان كىسى ءولتىرۋ وقيعاسى اشىلدى. پاۆلودار وبلىسىنىڭ ەكى تۇرعىنى وسى قىلمىسقا قاتىسى بار دەگەن كۇدىكپەن ۇستالدى، دەپ حابارلايدى infohub.kz سايتى.
2005 جىلدىڭ ماۋسىم ايىندا ەلوردانىڭ شەتىندە زورلىق-زومبىلىق بەلگىلەرى بار ەر ادامنىڭ ءمايىتى تابىلعان بولاتىن. سول كەزدە تىكەلەي دالەلدەردىڭ جوقتىعىنان كىنالىلەردى انىقتاۋ مۇمكىن بولمادى.
بيىل كريمينالدىق پوليسيا قىزمەتكەرلەرى ءىس ماتەريالدارىنا قايتا ورالدى. ولار بولعان وقيعانىڭ بەينەسىن قالپىنا كەلتىرىپ، كەشەندى جەدەل-ىزدەستىرۋ ءىس-شارالارىن جۇرگىزدى.
دالەلدەمەلىك بازا تام-تۇمداپ جينالىپ، قىلمىسقا پاۆلودار وبلىسىنىڭ ەكى تۇرعىنىنىڭ قاتىسى بار ەكەنى انىقتالدى. تامىز ايىندا ەكى كۇدىكتى دە ۇستالدى. ولار قىلمىس جاساعاندارىن مويىندادى.
تەرگەۋ بارىسىندا كىسى ءولتىرۋ ەر ادامداردىڭ ماس كۇيىندە بولعان جانجال كەزىندە ورىن العانى انىقتالدى. ەكى ۇستالعان دا قاماۋعا الىندى، تەرگەۋ جالعاسۋدا.
ءىىم كريمينالدىق پوليسيا دەپارتامەنتىنىڭ باستىعى قانات نۇرماعامبەتوۆ وتكەن جىلدارداعى قىلمىستاردى اشۋ جانە جازانىڭ بۇلتارتپاستىعىن قامتاماسىز ەتۋ پوليسيا جۇمىسىنىڭ باسىم باعىتتارى بولىپ قالا بەرەتىنىن جانە ءىىم-نىڭ ەرەكشە باقىلاۋىندا ەكەنىن اتاپ ءوتتى.