اقمولا وبلىسىندا 45 جاستاعى ەر ادام ءىرى ينتەرنەت-الاياقتىقتىڭ قۇربانى بولدى: ول ءوز پاتەرىن ساتىپ، ەكى نەسيە راسىمدەپ، اقشانى بەيتانىس ادامدارعا اۋدارعان، دەپ حابارلايدى infohub.kz سايتى.
وبلىستىق پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، ءوتىنىش بەرۋشى توعىز كۇن بويى ونىمەن ادىلەت مينيسترلىگىنىڭ قىزمەتكەرلەرى رەتىندە تانىسقان بەيتانىس ادامدار حابارلاسقانىن ايتقان. تەلەفون اڭگىمەلەرى بارىسىندا قىلمىسكەرلەر ەر ادامدى «ساقتاندىرۋ شوتىن» اشۋعا جانە وعان جەكە جيناقتارىن اۋدارۋعا كوندىرگەن.
وسى اڭىزعا سەنگەن اقمولالىق پاتەرىن ساتىپ قانا قويماي، ەكى نەسيە دە راسىمدەگەن. الىنعان قاراجاتتى دروپپەرلەرگە تيەسىلى بانك شوتتارىنا اۋدارعان. سونىمەن قاتار ول پاتەردى ساتىپ الۋ-ساتۋ مامىلەسى جالعان دەپ، جىلجىمايتىن م ۇلىكتەن ايىرىلمايتىنىنا سەنىمدى بولعان.
ناتيجەسىندە جالپى ماتەريالدىق شىعىن 7 ملن 480 مىڭ تەڭگەدەن استى. وسى فاكتى بويىنشا تەرگەۋ جۇرگىزىلۋدە. پوليسەيلەر قىلمىسقا قاتىسى بار ادامداردى انىقتاپ جاتىر.