اقمولا وبلىسىندا اڭ اۋلاۋ كەزىندە قايعىلى وقيعا بولدى: قاتىسۋشىلاردىڭ ءبىرى مەرت بولدى. وقيعانىڭ ءمان-جايىن infohub.kz سايتى حابارلايدى.
التى ەر ادام قايىڭدى اۋىلىنىڭ ماڭىنداعى ورمانعا ەلىك اڭدىپ بارعان. ولار اڭدى تەز تاپقانىمەن، كوپ ۇزاماي وق اتىلىپ، وقيعا اڭشىلاردىڭ ءبىرى ءۇشىن اجال بولدى.
جەرگىلىكتى تۇرعىن ۇلىقبەك ءومىرجانوۆ: «ۋچاسكەلىك ماعان قوڭىراۋ شالىپ، اڭشىلار ءبىرىن-بىرى اتىپ العانىن ايتتى. سوسىن ورنىن شامالاپ ايتتى، مەن ءوز كولىگىممەن باردىم. ولاردى الىپ كەتتىم. مەن كوردىم، جاتقان ءمايىت بار ەدى. وقتىڭ تيگەنى كورىنىپ تۇر. مىنا جاققا قاراي. ولار كەزدەيسوق ءبىرىن-بىرى اتىپ العان. بۇتاق ءتيىپ، ارتىندا كەلە جاتقانى، مەنىڭ ەستۋىمشە، اتىپ جىبەرگەن. قىسقاسى، باقىتسىز جاعداي»، – دەدى.
قايىڭدى تۇرعىندارى سول تاڭەرتەڭ الىستان بىرنەشە رەت وق اتىلعانىن ەستىگەندەرىن ايتتى. قازا تاپقان ادام 64 جاستا ەدى. قارۋىنان اجال وعى اتىلعان 43 جاستاعى اڭشى ۇستالدى. ەر ادامداردا بارلىق قاجەتتى قۇجاتتار – اڭشىلىق جولدامالار مەن اڭ اۋلاۋعا رۇقساتتار بولعانى انىقتالدى.
ەندى تراگەديانىڭ تولىق بەينەسىن تەرگەۋ انىقتايدى.