اقمولا وبلىسىنىڭ تۇرعىنى استانادان پاتەر ساتىپ الۋعا تىرىسىپ، 10 ميلليون تەڭگەسىنەن ايىرىلدى، دەپ حابارلايدى infohub.kz.
پوليسيانىڭ انىقتاۋىنشا، بىرنەشە جىل بۇرىن تانىس ايەل اتالعان تۇرعىنعا استانادا پاتەر ساتىپ الۋدى ۇسىنعان. ول پاتەردىڭ قاماۋدا ەكەنىن، ال راسىمدەۋگە ۋاقىت پەن قوسىمشا شىعىن قاجەت ەكەنىن ايتقان.
2022 جىلدان باستاپ جابىرلەنۋشى تانىسىنا بىرنەشە رەت اقشا اۋدارعان. كۇدىكتى بۇل قاراجاتتى ءارتۇرلى جارنالار، قىزمەتتەر مەن ۇيىمداستىرۋ ماسەلەلەرىن شەشۋگە جۇمسايتىنىن تۇسىندىرگەن.
بىرنەشە جىل ىشىندە اۋدارىلعان جالپى سوما شامامەن 10 ميلليون تەڭگەنى قۇراعان. الايدا ۋادە ەتىلگەن پاتەر ساتىپ الىنباعان، اقشانى قايتارۋ مۇمكىن بولماعان.
ماسەلەنىڭ شەشىلمەگەنىن كورگەن ايەل پوليسياعا ارىزدانعان. الاياقتىق فاكتىسى بويىنشا قىلمىستىق ءىس قوزعالدى. قازىرگى ۋاقىتتا قاجەتتى تەرگەۋ شارالارى جۇرگىزىلىپ، وقيعانىڭ بارلىق ءمان-جايى انىقتالۋدا.