اقش-تان كەلگەن جاس ساياحاتشى شىعىس قازاقستان وبلىسىندا قيىن جاعدايعا تاپ بولدى، ءبىراق وعان بۇرىننان ەرلىك جاساعان ۋچاسكەلىك ينسپەكتور كومەككە كەلدى، دەپ حابارلايدى infohub.kz سايتى.
الماتى – وسكەمەن تاس جولىنىڭ 23-شاعىناۋدانى ماڭىندا ۋلان اۋدانىنىڭ ۋچاسكەلىك پوليسيا ينسپەكتورى نۇرداۋلەت توتەپوۆ ۇلكەن ريۋكزاگى بار جاس جىگىتتىڭ كولىك توقتاتپاق بولىپ تۇرعانىن بايقادى. پوليسەي توقتاپ، كومەك ۇسىندى. 23 جاستاعى اقش ازاماتى سپەنسەر قازاقستان بويىنشا اۆتوستوپپەن ساياحاتتاپ، الماتىعا بەت العانى بەلگىلى بولدى.
ۋچاسكەلىك ينسپەكتور ونى ستاسيونارلىق پوليسيا بەكەتىنە دەيىن جەتكىزۋدى ۇسىندى. جول-جونەكەي ولار اڭگىمەلەستى. سپەنسەر قازاقستاندا ساياحاتتاۋ مۇمكىندىگىنە قۋانىشتى ەكەنىن ايتىپ، جەرگىلىكتى تۇرعىنداردىڭ قوناقجايلىلىعى مەن مەيىرىمدىلىگىن ەرەكشە اتاپ ءوتتى.
بەكەتكە جەتكەن سوڭ نۇرداۋلەت توتەپوۆ ساياحاتشىعا جولداس ىزدەۋگە كومەكتەستى. كوپ ۇزاماي جۇرگىزۋشىلەردىڭ ءبىرى سپەنسەردى جارما اۋدانىنا دەيىن جەتكىزۋگە كەلىستى، ال امەريكالىق ول جاقتان الماتىعا قاراي جولىن جالعاستىردى.
ايتا كەتەيىك، 20 تامىزدا ۋلان اۋدانىنىڭ قاسىم قايسەنوۆ اۋىلىندا نۇرداۋلەت توتەپوۆ قۇبىردى تازالاۋ كەزىندە ەسىن جوعالتقان ەكى جۇمىسشىنى قۇتقارۋ ءۇشىن كارىز قۇدىعىنا تۇسكەن ەدى. ءوز قاۋىپسىزدىگىن ويلاماي، ول ەكەۋىنە دە سىرتقا شىعۋعا كومەكتەسىپ، جەدەل جاردەم قىزمەتكەرلەرىنە تاپسىردى.