اقتاۋدا كامەلەتكە تولماعان بالالاردىڭ ەمىنە قوسىمشا شىعىس ءوندىرۋ تۋرالى داۋ بىتىمگەرشىلىك كەلىسىممەن اياقتالدى: اكە ءار بالاعا اي سايىن بەلگىلى ءبىر مولشەردە اقشا تولەۋگە مىندەتتەندى، دەپ حابارلايدى infohub.kz سايتى.
ماڭعىستاۋ وبلىسى سوتتارىنىڭ رەسمي Telegram-ارناسىندا ءمالىم بولعانداي، كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتتا ايەلدىڭ ەركەككە قويار تالابى — كامەلەتكە تولماعان بالالاردىڭ ەمىنە بايلانىستى قوسىمشا شىعىسقا اليمەنت ءوندىرۋ تۋرالى ازاماتتىق ءىس قارالدى.
سوت تالقىلاۋى بارىسىندا تاراپتاردىڭ 2020 جانە 2023 جىلى تۋعان ەكى كامەلەتكە تولماعان بالاسى بار ەكەنى انىقتالدى. ولار اناسىمەن بىرگە تۇرادى جانە ۇنەمى ەمدەلۋ مەن وڭالتۋعا مۇقتاج. بالالار لوگوپەد-دەفەكتولوگ پەن پسيحولوگتىڭ ساباقتارىنا قاتىسادى، لوگوماسساج، ەمدىك جانە بەيىمدەۋ دەنە شىنىقتىرۋىن الادى.
بالالاردى ۇنەمى ەمدەۋ مەن وڭالتۋ قاجەتتىلىگىنە بايلانىستى اناسى سوتقا ولاردىڭ ەمىنە بايلانىستى قوسىمشا شىعىستى وتەۋ تۋرالى تالاپ قويدى.
بىتىمگەرشىلىك راسىمدەرى بارىسىندا تاراپتار ءوزارا كەلىسىمگە كەلىپ، سوتتان ارالارىندا جاسالعان بىتىمگەرشىلىك كەلىسىمدى بەكىتۋدى جازباشا سۇرادى.
قازاقستان رەسپۋبليكاسىنىڭ «نەكە (ەرلى-زايىپتىلىق) جانە وتباسى تۋرالى» كودەكسىنىڭ 144-بابىنا سايكەس اتا-انا كومەككە مۇقتاج كامەلەتكە تولماعان بالالاردى اسىراۋ مەن ەمدەۋگە كەتەتىن قوسىمشا شىعىسقا قاتىسۋعا مىندەتتى.
سوتتىڭ 2026 جىلعى 14 تامىزداعى ۇيعارىمىمەن تاراپتار اراسىندا جاسالعان بىتىمگەرشىلىك كەلىسىم بەكىتىلدى.
بىتىمگەرشىلىك كەلىسىمنىڭ شارتتارىنا سايكەس جاۋاپكەر بالالاردىڭ ەمىنە بايلانىستى قوسىمشا شىعىستى تۇراقتى اقشالاي سومامەن — ءار بالاعا اي سايىن 35 ايلىق ەسەپتىك كورسەتكىش (2026 جىلى 151 375 تەڭگە) مولشەرىندە، ياعني بارلىعى 302 750 تەڭگە تولەۋگە، ولار كامەلەتكە تولعانعا دەيىن مىندەتتەندى.
سوت ۇيعارىمى زاڭدى كۇشىنە ەندى.