اقتوبەدە بەلگىلى ادۆوكات الاياقتىققا وقتالۋ جانە پارا بەرۋگە ازعىزۋ ءۇشىن ءتورت جىلعا باس بوستاندىعىنان ايىرىلدى، دەپ حابارلايدى infohub.kz سايتى.
NUR.KZ اگەنتتىگى «دياپازون» باسىلىمىنا سىلتەمە جاساپ حابارلاعانداي، ءىس ماتەريالدارىندا گ.ر. دەپ كورسەتىلگەن ادۆوكاتقا قاتىستى قىلمىستىق ءىس اقتوبە سوتىندا قارالدى.
ايىپتاۋ بويىنشا، باسقا ءىس بويىنشا سوتتالعان ادام جازاسىنىڭ وتەلمەگەن بولىگىن نەعۇرلىم جەڭىل جازا تۇرىنە اۋىستىرۋ تۋرالى ءوتىنىش بەرگەن. بۇل تۋرالى سوت پەن پروكۋراتۋرادا تانىستارى بار ادۆوكات ءبىلىپ، سوتتالعان ادامعا ماسەلەنى شەشە الاتىنىن ايتقان، الايدا ول ءۇشىن 5 ملن تەڭگە قاجەت بولعان.
اقشانى ادۆوكات العان سوڭ ۇستالدى. باسىلىم حابارلاعانداي، ونىڭ سۋديامەن جانە پروكۋرورمەن ەشقانداي كەلىسىمى بولماعان، ميلليونداردى وزىنە قالدىرماق بولعان.
سوتتا ادۆوكات الاياقتىققا وقتالۋ بويىنشا كىناسىن مويىنداپ، باس بوستاندىعىنان ايىرىلماۋدى سۇرادى. سوت ونى ەكى باپ بويىنشا دا كىنالى دەپ تانىپ، 4 جىلعا باس بوستاندىعىنان ايىرۋ جازاسىن كەستى جانە مەملەكەتتىك قىزمەتتە لاۋازىم اتقارۋ قۇقىعىنان ءومىر بويى ايىردى.