جىل باسىنان بەرى اقتوبە وبلىسىندا سەگىز وتباسى ەرەكشە شەشىم قابىلدادى: بالا كۇتىمىنە بايلانىستى دەمالىسقا انالار ەمەس، اكەلەر شىقتى. ولاردىڭ بارلىعى وبلىس ورتالىعىندا تۇرادى، دەپ حابارلايدى infohub.kz سايتى.
«دياپازون» پورتالىنىڭ مالىمەتىنشە، بىلتىر مۇنداي ەر ادامدار كوبىرەك بولعان: 1 تامىزداعى جاعداي بويىنشا بالا كۇتىمىنە بايلانىستى جاردەماقى الۋعا 13 اكە ءوتىنىش بىلدىرگەن.
زاڭناما بالا ءبىر جاسقا تولعانعا دەيىن كۇتىم دەمالىسىن اناعا دا، اكەگە دە — اتا-انانىڭ بىرەۋىنە راسىمدەۋگە مۇمكىندىك بەرەدى. ءداستۇرلى تۇردە دەكرەتكە تەك انالار شىعاتىن، الايدا سوڭعى جىلدارى مۇنى اكەلەر دە ءجيى جاسايدى.
«مۇنداي جاعدايلار ءبىرلى-جارىم، ءبىراق بار. نەگىزىنەن جاس وتباسىلاردا، وندا ايەل ەر ادامنان كوپ تابىس تاباتىن شىعار. مىسالى، ول شەتەلدىك نەمەسە تاۋ-كەن ءوندىرۋ كومپانياسىندا جۇمىس ىستەيدى»، — دەدى اقتوبە وبلىستىق ءمامس فيليالىنىڭ ديرەكتورى نۇرلان كۇزەۋوۆ.
ول جاردەماقى تاعايىنداۋ كەزىندە بالا تۋىلعانعا دەيىنگى سوڭعى 24 كۇنتىزبەلىك ايداعى تابىس ەسكەرىلەتىنىن ءتۇسىندىردى. تولەم مولشەرى ەكى جىلداعى ورتاشا ايلىق تابىستىڭ 40 پايىزىن قۇرايدى. ەگەر ادام (ەر نەمەسە ايەل) جۇمىس ىستەپ، الەۋمەتتىك ساقتاندىرۋ جۇيەسىنە قاتىسقان بولسا، وعان بالا 1،5 جاسقا تولعانعا دەيىن كۇتىم جاساۋعا بايلانىستى تابىسىنان ايىرىلۋىنا وراي الەۋمەتتىك تولەم تاعايىندالادى. ال ەگەر ول جۇمىس ىستەمەسە، وندا مەملەكەتتىك جاردەماقى تولەنەدى، ونىڭ مولشەرى بالانىڭ تۋۋ رەتىنە بايلانىستى: ءبىرىنشى بالاعا — 5،76 اەك (24 912 تەڭگە)، ەكىنشىسىنە — 6،81 اەك (29 454 تەڭگە)، ۇشىنشىسىنە — 7،85 اەك (33 952 تەڭگە)، ءتورتىنشى جانە ودان كوپ بالاعا — 8،90 اەك (38 493 تەڭگە).
ءمامس فيليالىندا سونداي-اق 2026 جىلدىڭ 7 ايىندا دەكرەتتەگى اكەلەرگە ەڭ تومەنگى تولەم ايىنا 27 680 تەڭگە، ەڭ جوعارىسى — ايىنا 193 118 تەڭگە بولعانىن حابارلادى.