اقتوبەدەن 30 شاقىرىم جەردە ورنالاسقان جاڭا اۋىل-1 ەلدى مەكەنىندە 30-عا جۋىق ءۇي سالىنعان، الايدا ولاردى ەلەكتر جەلىسىنە قوسۋ ءالى مۇمكىن بولماي وتىر. تۇرعىندار ۇيلەرىن گەنەراتورمەن جارىقتاندىرۋعا، ازىق-ت ۇلىكتەرىن اۋلاداعى قۇدىقتاردا ساقتاۋعا نەمەسە تۋىستارىنا قالاعا اپارۋعا ءماجبۇر. بۇل تۋرالى infohub.kz سايتى حابارلايدى.
بۇل قالا ماڭىنداعى جەر تەلىمدەرى 2018 جىلى بەرىلە باستاعان. سودان بەرى مۇندا 30-عا جۋىق تۇرعىن ءۇي پايدا بولدى، الايدا كوشىپ كەلۋشىلەر ساناۋلى عانا — اۋىلعا ەلەكتر جەلىسى تارتىلماعان. سۋىق تۇسكەندە جارىقسىز ءومىر ناعىز سىناققا اينالادى: تاماق ازىرلەۋ، ءۇيدى جارىقتاندىرۋ عانا ەمەس، جىلىتۋ دا قيىنعا سوعادى.
«كۇندىز قوزعالتقىشتى قوسامىز، كەشكە اككۋمۋلياتورعا كوشەمىز. ءبىراق ول ەكى ساعاتقا عانا جەتەدى. جازدا ازىق-ت ۇلىكتى اقتوبەدەگى تۋىستارىمىزعا اپارىپ، كەيىن سودان تەك قاجەتتىسىن الامىز. بىزگە ەكى نارسە كەرەك — جول جانە جارىق»، — دەيدى جاڭا اۋىل-1 تۇرعىنى سامات يمانگازين.
اۋىل تۇرعىندارىنىڭ ايتۋىنشا، جەرگىلىكتى بيلىك ەلەكتر جەلىسىن 2026 جىلى تارتۋعا ۋادە بەرگەن. اۋىلعا تەحنيكا كەلگەن، ءبىراق جۇمىس تەز توقتاپ قالعان. ازاماتتار بيىلعى قىستى دا شام جارىعىمەن، سۋىق ۇيلەردە قارسى الۋدان قورقادى.
ەلەكتر جارىعىنان بولەك، اۋىلدا سۋ دا، اسفالت جول دا جوق. كەيبىر تۇرعىندار اۋلالارىنا وزدەرى ۇڭعىما قازعان، الايدا ولاردىڭ ايتۋىنشا، بۇل سۋدى ءىشۋ مۇمكىن ەمەس — تىم تۇزدى. سوندىقتان سۋدى كورشى اۋىلدان الادى نەمەسە قالادان اكەلەدى.
«جاڭا اۋىل-1ء-دىڭ گاز جانە ەلەكترمەن جابدىقتاۋ ماسەلەسى بويىنشا: بۇگىنگى تاڭدا جۇمىستاردى «ايكوم» كومپانياسى جۇرگىزۋدە. كەلەسى توقساندا، ياعني قازان-قاراشا ايلارىندا تاپسىرۋ جوسپارلانۋدا — وسى نىساندى تاپسىرۋ جوسپارلانعان. وسى جوبا جۇزەگە اسىرىلعاندا ەلەكتر جارىعى 2250 تەلىمگە بەرىلەدى»، — دەدى اقتوبە قالاسى اكىمدىگىنىڭ قۇرىلىس ءبولىمىنىڭ باسشىسى باۋىرجان جانتۋرين.