اقتوبە وبلىسى مۇعالجار اۋدانىنداعى قاندىاعاش قالاسىندا ورنالاسقان، جاپپاي ۋلانۋ ورىن العان مەيرامحانانىڭ يەسى مەن باسشىسى امنيستياعا ىلىكتى، دەپ حابارلايدى infohub.kz سايتى.
بۇعان دەيىن ماۋسىم ايىندا اقتوبە وبلىسىندا قاندىاعاش قالاسىنداعى مەيرامحاناعا بارعاننان كەيىن ىشەك ينفەكسياسىنىڭ بەلگىلەرىمەن مۇعالجار اۋداندىق اۋرۋحاناسى مەن وبلىستىق كلينيكالىق ينفەكسيالىق اۋرۋحاناسىنا 102 ناۋقاس جات قىزىلعانى حابارلانعان بولاتىن.
سول كەزدە پوليسيا سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ بەلگىلەرى بويىنشا (قازاقستان رەسپۋبليكاسى قىلمىستىق كودەكسىنىڭ 304-بابى) قىلمىستىق ءىس قوزعادى.
كەيىن قاندىاعاشتاعى مەيرامحاناعا بارعانداردىڭ ىشىندە اۋرۋحاناعا جات قىزىلعاندار سانى ارتقانى بەلگىلى بولدى. مەكەمە جابىلدى.
ودان ءارى سانيتارلىق دارىگەرلەر قاندىاعاشتاعى مەيرامحاناداعى جاپپاي ۋلانۋدى تەرگەۋدى اياقتادى. تەكسەرۋ ستافيلوكوكك، ىشەك تاياقشاسى جانە ءبىرقاتار بۇزۋشىلىقتاردى انىقتادى. ناتيجەلەرى قۇقىق قورعاۋ ورگاندارىنا جىبەرىلدى.
بۇگىن جاپپاي ۋلانۋ ورىن العان مەيرامحانانىڭ يەسى مەن باسشىسى امنيستياعا ىلىككەنى بەلگىلى بولدى.
«قىلمىستىق ءىس جۇرگىزۋ بارىسىندا مەيرامحانا باسشىلىعى مەن جەكە كاسىپكەر تاعىلعان ارەكەتتى جاساعانىنا كىناسىن مويىندادى. سونىمەن قاتار امنيستيا اكتىسىن قولدانۋعا بايلانىستى قىلمىستىق ءىس جۇرگىزۋ توقتاتىلدى»، — دەپ حابارلادى NUR.KZ تىلشىسىنە اقتوبە وبلىسى پوليسيا دەپارتامەنتىنىڭ ءباسپاسوز قىزمەتىندە.