قوستاناي وبلىسىندا اليمەنت بويىنشا قارىزى بار بورىشكەرلەردىڭ مۇلكى ءوندىرىپ الىنۋدا، دەپ حابارلايدى infohub.kz سايتى.
وبلىس پروكۋراتۋراسىنىڭ رەسمي سايتىندا اتاپ وتىلگەندەي، بالالاردىڭ قۇقىقتارى مەن زاڭدى مۇددەلەرىن قورعاۋ قارابالىق اۋدانى پروكۋراتۋراسى جۇمىسىنىڭ باسىم باعىتتارىنىڭ ءبىرى بولىپ قالا بەرەدى. اليمەنت ءوندىرىپ الۋ تۋرالى سوت شەشىمدەرىنىڭ ورىندالۋىن قامتاماسىز ەتۋگە ەرەكشە نازار اۋدارىلادى.
قاداعالاۋ قىزمەتى بارىسىندا اۋدان تۇرعىنىنىڭ ءبىرىنىڭ اليمەنتتىك مىندەتتەمەلەردى ۇزاق ۋاقىت ورىنداماعانى انىقتالدى. ونىڭ كامەلەتكە تولماعان بالاسى الدىنداعى قارىزى 3،6 ملن تەڭگەدەن استى.
بالانىڭ بۇزىلعان قۇقىقتارىن قالپىنا كەلتىرۋ ءۇشىن پروكۋراتۋرا اتقارۋشىلىق ءىس جۇرگىزۋ اياسىندا شارالار قابىلدادى. ناتيجەسىندە 2026 جىلعى 6 مامىردا قارابالىق اۋداندىق سوتى قارابالىق كەنتىندە ورنالاسقان بورىشكەردىڭ تۇرعىن ۇيىنە ءوندىرىپ الۋدى قولدانۋ تۋرالى ۇيعارىم شىعاردى.
تاعى ءبىر جاعدايدا بورىشكەر بىرنەشە جىل بويى (2019 جىلدان باستاپ) بالاسىن اسىراۋ جونىندەگى مىندەتتەرىن ورىنداۋدان جالتارعان. قارىز سوماسى 3،4 ملن تەڭگەنى قۇرادى.
پروكۋراتۋرانىڭ باستاماسىمەن بورىشكەردىڭ جىلجىمايتىن م ۇلىگىنىڭ 1/2 ۇلەسىنە ءوندىرىپ الۋ قولدانىلدى. قازىرگى ۋاقىتتا پاتەر ۇلەسىن قارىزدى وتەۋ ەسەبىنەن ءوندىرىپ الۋشىعا بەرۋ ءراسىمى جۇرگىزىلۋدە.