الماتى تۇرعىنى دەمالىستاعى كوممۋنالشىقتاردى ۆيدەوعا ءتۇسىرىپ، ەكى باپ بويىنشا اكىمشىلىك جاۋاپكەرشىلىككە تارتىلدى. وقيعا مايلين كوشەسىندە بولعان، جالپى ايىپپۇل 30 اەك (129 750 تەڭگە) قۇرادى، دەپ حابارلايدى infohub.kz سايتى.
الماتى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، تەكسەرۋ بارىسىندا ايەل قالالىق تازالىق قىزمەتىنىڭ قىزمەتكەرلەرىن ءتۇسىرۋ كەزىندە قوعامدىق ورىندا اينالاسىنداعىلارعا قورلايتىن ارەكەت جاساپ، قوعامعا اشىق قۇرمەتسىزدىك تانىتقانى انىقتالدى.
تەكسەرۋ ناتيجەسىندە قۇقىق قورعاۋ ورگاندارى قۇقىقبۇزۋشىعا ەكى اكىمشىلىك شارا قولداندى. ۇساق بۇزاقىلىق ءۇشىن الماتينكاعا 20 اەك (86 500 تەڭگە) كولەمىندە ايىپپۇل سالىندى. سونىمەن قاتار، ايەل ءيتىن تۇمىلدىرىقسىز سەرۋەندەتكەنى انىقتالىپ، جانۋارلارعا جاۋاپكەرشىلىكپەن قاراۋ سالاسىنداعى زاڭناما تالاپتارىن بۇزعان. بۇل بۇزۋشىلىق ءۇشىن وعان 10 اەك (43 250 تەڭگە) ايىپپۇل تاعايىندالدى.
وسىلايشا، مايلين كوشەسىندەگى وقيعا ءۇشىن جالپى ايىپپۇل 30 اەك (129 750 تەڭگە) قۇرادى.
ەسكە سالايىق، بۇعان دەيىن شارشاعان كوممۋنالشىقتارعا قاتىستى ۆيدەو almaty_typical پابليكىندە جاريالانىپ، قوعامدا ۇلكەن رەزونانس تۋدىرعان ەدى: قازنەت قولدانۋشىلارى جۇمىسشىلاردى جاپپاي قولداپ، روليك اۆتورىنىڭ ارەكەتىن ايىپتادى.