الماتى اكىمدىگى 2026 جىلى قالاداعى جاسىل جەلەكتەردى سۋعارۋعا قانشا قاراجات جۇمسالعانىن جاريالامادى. وتكەن جىلدىڭ جازىندا الەۋمەتتىك جەلىلەردە بۇتالار مەن اعاشتاردىڭ ىلعالسىز قۋراپ جاتقانى تۋرالى كوپتەگەن حابارلاما تارادى. Kursiv LifeStyle باسىلىمى سۋعارۋ جۇيەسىندە قانداي وزگەرىستەر بولعانىن انىقتادى، الايدا جۋرناليستىك ساۋالدىڭ ءبىر بولىگى اكىمدىكتە جاۋاپسىز قالدى، دەپ حابارلايدى infohub.kz سايتى.
كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى 2026 جىلعى 1 ساۋىردەن باستاپ كوشەلەر مەن ونداعى وسىمدىكتەر «ءبىر اۋدان — ءبىر مەردىگەر» قاعيداتى بويىنشا كۇتىلەتىنىن ءتۇسىندىردى. وسى مودەل اياسىندا قالانىڭ بارلىق 739 ماگيسترالدىق كوشەسى «الماتى تازالىق» مەملەكەتتىك كاسىپورنىنا، ال ەكى مىڭنان استام اۋلاىشىلىك جانە اۋداندىق كوشە جەكە مەردىگەرلەرگە بەرىلدى. ولاردىڭ جۇمىسىن اۋداندىق اكىمدىكتەر مەن باسقارمانىڭ ءوزى باقىلايدى.
اكىمدىكتە اعاشتار، ءشوپ پەن بۇتالار تەك 16-20 شىلدە ارالىعىندا، اۋا تەمپەراتۋراسى +42 °C-قا دەيىن كوتەرىلگەن كەزدە قۋراعانىن مالىمدەدى.
«اتالعان كەزەڭدە جەكەلەگەن شاعىن ۋچاسكەلەردە جوعارى تەمپەراتۋرالىق جۇكتەمەگە بايلانىستى گازون جامىلعىسىنىڭ سارعايۋ بەلگىلەرى بايقالدى. وسىعان بايلانىستى قالادا جاسىل جەلەكتەردى سۋعارۋ جانە كۇتۋ شارالارى كۇشەيتىلدى. قازىرگى تاڭدا اتالعان ۋچاسكەلەردىڭ جاي-كۇيى قالپىنا كەلتىرىلدى، گازون جامىلعىسى قايتادان ءتيىستى سىرتقى تۇرگە يە»، — دەلىنگەن رەسمي جاۋاپتا.
جۋرناليستەر ءوز ساۋالىندا الماتىدا 2026 جىلى سۋعارۋعا قانشا قاراجات بولىلگەنىن دە سۇراعان بولاتىن. بۇل سۇراق نازاردان تىس قالدى.