الماتىدا قوعامدىق كولىكتە سۋىق قارۋ قولدانىلعان وقيعا بولدى. الەۋمەتتىك جەلىلەردە تاراعان جانجال ۆيدەوسى كەڭ قوعامدىق رەزونانس تۋدىردى، دەپ حابارلايدى infohub.kz.
Novacity.news Instagram-پاراقشاسىندا تاراعان كادرلاردا ەكى ەر ادامنىڭ اۆتوبۋس سالونىندا الدىمەن اۋىزشا، بىلاپىت سوزدەرمەن رەنجىسىپ، كەيىن توبەلەسكە ۇلاسقانى كورىنەدى. ءبىر ساتتە جانجالعا پىشاق ۇستاعان ءۇشىنشى جولاۋشى ارالاسىپ، قاقتىعىسۋشىلارعا ءقاۋىپ ءتوندىرىپ جۇگىرىپ كەلدى. بۇل جولاۋشىلار اراسىندا دۇربەلەڭ تۋدىردى: ايەلدەر ايقايلاپ، باسقا ەر ادامدار توبەلەستى توقتاتۋعا تىرىستى.
الماتى پوليسيا دەپارتامەنتى جاريالانعان ۆيدەوعا جەدەل جاۋاپ بەردى. ۆەدومستۆو تۇركسىب اۋدانىنىڭ پوليسيا باسقارماسى قىلمىستىق ءىس قوزعاعانىن حابارلادى. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. پوليسيا توبەلەسكە قاتىسۋشىلاردىڭ ارەكەتىنە قاتاڭ قۇقىقتىق باعا بەرىلەتىنىن، مۇنداي اگرەسسيۆتى جانە قوعامعا ءقاۋىپتى مىنەز-ق ۇلىققا جول بەرىلمەيتىنىن اتاپ ءوتتى. كىنالىلەر قازاقستان رەسپۋبليكاسىنىڭ زاڭناماسىنا سايكەس جازاعا تارتىلادى.
ايتا كەتۋ كەرەك، ۆيدەودا بىلاپىت سوزدەر بار، سوندىقتان ماتەريال 18 جاستان اسقان كورەرمەندەرگە ارنالعان.