الماتى تۇرعىندارى الەۋمەتتىك جەلىلەردە ءبىر ايەلدىڭ ءوتىپ بارا جاتقاندارعا شابۋىل جاساپ، ولارعا تاس لاقتىرىپ جۇرگەنىن بەينەجازبالار ارقىلى تاراتىپ جاتىر، دەپ حابارلايدى infohub.kz سايتى.
Threads جەلىسىندەگى makpal.yessenamanova دەگەن پايدالانۋشى قالا كوشەلەرىنىڭ بىرىندە ەر ادام مەن ايەلدىڭ اراسىنداعى جانجال تۇسىرىلگەن بەينەجازبا جاريالادى. پىكىرلەردە باسقا دا الماتىلىقتار وزدەرىنىڭ جازبالارىمەن بولىسە باستادى، ولاردىڭ ايتۋىنشا، وندا دا سول ايەل بەينەلەنگەن. مەگاپوليس تۇرعىندارىنىڭ سوزىنشە، ول ءوتىپ بارا جاتقاندارعا تاس لاقتىرىپ، ولاردىڭ باسىن كوزدەيدى.
جاريالانىمعا الماتى پوليسيا دەپارتامەنتى جاۋاپ بەردى. «الەۋمەتتىك جەلىلەردى مونيتورينگتەۋ بارىسىندا ايەلدىڭ ءوتىپ بارا جاتقاندارعا قاتىستى ءوزىن ادەكۆاتسىز ۇستاعانى تۇسىرىلگەن بەينە تابىلدى. بوستاندىق اۋدانىنىڭ پب-دا ماتەريال تىركەلدى. سول كۇنى ساعات 17:44-تە روزىباكييەۆ كوشەسىندە بەلگىسىز ايەل ءوتىپ بارا جاتقان كولىكتەرگە تاس لاقتىرىپ جاتقانى تۋرالى حابارلاما ءتۇستى. كەلگەن پوليسيا قىزمەتكەرلەرى 1999 جىلى تۋعان ايەلدى ۇستاپ، اۋداندىق پوليسيا باسقارماسىنا جەتكىزدى»، — دەدى قۇقىق قورعاۋ ورگاندارى.