الماتىدا Hyundai كولىگىنىڭ جۇرگىزۋشىسى رايىمبەك داڭعىلىندا جول قوزعالىسى ەرەجەلەرىن ورەسكەل بۇزعانى ءۇشىن جاۋاپكەرشىلىككە تارتىلدى. سوت شەشىمىمەن ول 30 تاۋلىككە قاماۋعا الىندى، دەپ حابارلايدى infohub.kz سايتى.
الماتى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، الەۋمەتتىك جەلىلەردە Hyundai Elantra جۇرگىزۋشىسىنىڭ رايىمبەك داڭعىلىندا جول قوزعالىسى ەرەجەلەرىن ورەسكەل بۇزعانى كورسەتىلگەن ۆيدەو تاراعان. پوليسەيلەر بۇزۋشىنىڭ جەكە باسىن تەز انىقتادى — ول الماتىنىڭ 23 جاستاعى تۇرعىنى بولىپ شىقتى.
جول قوزعالىسى ەرەجەلەرىن ورەسكەل بۇزعانى ءۇشىن ول بىرنەشە باپ بويىنشا اكىمشىلىك جاۋاپكەرشىلىككە تارتىلدى: ءقاۋىپتى مانەۆر جاساۋ، مەملەكەتتىك ءنومىر بەلگىسىنسىز ءجۇرۋ، تونيروۆكا، جول بەلگىلەرىنىڭ تالاپتارىن ساقتاماۋ جانە ءتيىستى قۇجاتتارسىز كولىك جۇرگىزۋ.
ءىس ماتەريالدارى الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلدى. سۋديا الماتىلىققا 30 تاۋلىك اكىمشىلىك قاماۋ جانە 100 اەك-تەن اساتىن، ياعني 432 500 تەڭگە كولەمىندە ايىپپۇل تاعايىندادى.