جوعارعى گورەلنيك ماڭىنداعى كىشى الماتى وزەنىنە كارىز سۋى اعىزىلدى دەگەن اقپارات راستالمادى. تەكسەرۋدى الماتى تۋريزم باسقارماسى جۇرگىزدى، دەپ حابارلايدى infohub.kz سايتى.
تەكسەرۋگە قازاقستاندىقتىڭ Threads الەۋمەتتىك جەلىسىندە جاريالاعان شاعىمى سەبەپ بولدى. sergey_eps دەگەن پايدالانۋشى جوعارعى گورەلنيكتەن «مەدەۋ» مۇز ايدىنىنا دەيىن ءتۇسىپ كەلە جاتىپ، ىشىندەگى لاس سۋ تىكەلەي وزەنگە قۇيىلىپ جاتقان قۇبىردى بايقاعانىن جازدى.
«قورشاۋدىڭ بويىمەن ءتۇسىپ كەلە جاتىپ، جارىلعان گوفرلى اعىندى قۇبىردى كوردىم، ودان لاس سۋ تىكەلەي وزەنگە اعىپ جاتىر. ساسىق ءيىس شىعىپ تۇر»، — دەلىنگەن جاريالانىمدا.
ەر ادامنىڭ شاعىمىنا الماتى تۋريزم باسقارماسى جاۋاپ بەردى. جاريالانىم استىنداعى پىكىرلەردە جوعارعى گورەلنيك ماڭىنداعى كىشى الماتى وزەنىنە كارىز سۋى اعىزىلدى دەگەن مالىمەت راستالماعانى حابارلاندى.
«تەكسەرۋ بارىسىندا فوتوسۋرەتتە كورسەتىلگەن گوفرلى قۇرىلىم كارىز قۇبىرى ەمەس، كابەلدى قورعايتىن گوفرا ەكەنى انىقتالدى. فوتو مەن ۆيدەودا تۇسىرىلگەن سۋ تابيعي كوزدەن شىققان»، — دەپ ءتۇسىندىردى باسقارمادا.
تەكسەرۋ كەزىندە اعىندى سۋ جىبەرىلگەنى انىقتالماعانى، قالالىق كارىز جەلىلەرى قالىپتى رەجيمدە جۇمىس ىستەپ تۇرعانى اتاپ ءوتىلدى.