الماتىدا سەرگەك كۋرەر جاسوسپىرىمگە ارنالعان كۇدىكتى جاشىك تۋرالى پوليسياعا حابارلادى، دەپ حابارلايدى infohub.kz.
الماتى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، كەزەكتى تاپسىرىستى ورىنداۋ بارىسىندا جەتكىزۋ قىزمەتىنىڭ قىزمەتكەرى كۇدىكتى جاشىككە نازار اۋدارعان. ادرەساتى ءجاسوسپىرىم بولىپ شىققان. جاشىكتە تىيىم سالىنعان زاتتار بولۋى مۇمكىن دەپ كۇدىكتەنگەن كۋرەر ونى ادرەساتقا بەرۋدەن باس تارتىپ، دەرەۋ پوليسيانى حاباردار ەتكەن.
وقيعا ورنىنا كەلگەن پوليسەيلەر جاشىكتىڭ ءىشىن تەكسەردى. جاشىكتەن تىيىم سالىنعان ەلەكتروندى تەمەكى قۇرىلعىلارى مەن نيكوتينى بار ونىمدەر تابىلدى. ءجاسوسپىرىم ادرەسات پەن جونەلتۋشى پوليسيا بولىمىنە جەتكىزىلدى. تەكسەرۋ جۇرگىزىلىپ، بارلىق ءمان-جايلار انىقتالۋدا.
كۋرەردىڭ ءوزى مۇقياتتىلىق كەزدەيسوق ەمەس ەكەنىن ايتتى. جەتكىزۋشىلەردىڭ كاسىبي قاۋىمداستىعىندا ارنايى چات بار، وندا ارىپتەستەر ءبىر-بىرىن تىيىم سالىنعان زاتتاردى تاسىمالداۋدىڭ ىقتيمال سحەمالارى تۋرالى ەسكەرتىپ، كۇدىكتى تاپسىرىستارعا بەي-جاي قاراماۋعا شاقىرادى. پوليسيا كۋرەردىڭ جاۋاپكەرشىلىگى مەن جەدەل ارەكەتىنىڭ ارقاسىندا تىيىم سالىنعان ونىمدەردىڭ تارالۋىنىڭ الدىن الۋعا مۇمكىندىك بولعانىن اتاپ ءوتتى.