الماتىدا «مەكتەپكە جول» اكسياسى اياسىندا الەۋمەتتىك وسال ساناتتاعى 7 669 بالاعا مەكتەپ فورماسى مەن قۇرال-جابدىق ساتىپ الۋعا 60 مىڭ تەڭگەدەن بەرىلدى، دەپ حابارلايدى infohub.kz سايتى.
وسى ماقساتقا بارلىعى 460 ملن تەڭگە ءبولىندى. قاراجات اتا-انالاردىڭ كارتا شوتتارىنا تولىق اۋدارىلدى.
سونىمەن قاتار، جاڭا وقۋ جىلىندا 133 مىڭ وقۋشى تەگىن ىستىق تاماقپەن قامتاماسىز ەتىلدى. تاماقتاندىرۋ تىكەلەي ءبىلىم بەرۋ مەكەمەلەرىندە ۇيىمداستىرىلدى.
الماتى مەكتەپتەرىندە بارلىعى 356 مىڭعا جۋىق بالا وقيدى. بيىل ءبىرىنشى سىنىپقا 32 922 بالا باردى، ونىڭ 30 046-سى مەملەكەتتىك مەكتەپتەرگە، ال 2 876-سى جەكەمەنشىك مەكتەپتەرگە.
بۇعان دەيىن «كۋرسيۆ» 1 قىركۇيەكتە الماتىدا سەگىز جاڭا مەكتەپ اشىلعانىن، قالانىڭ ءبىلىم بەرۋ ينفراقۇرىلىمى جالپى 12 065 وقۋ ورنىمەن تولىققانىن جازعان بولاتىن. جەتى مەكتەپ «كەلەشەك مەكتەپتەرى» ۇلتتىق جوباسى بويىنشا سالىنسا، تاعى ءبىر 550 ورىندىق مەكتەپ «زەردەلى» شاعىن اۋدانىندا اشىلدى.
سونىمەن قاتار، رەكونسترۋكسيادان كەيىن №160 مەكتەپ جۇمىسىن قايتا باستادى، 340 ورىندىق جاڭا №15 مەكتەپ-ينتەرناتى سالىنىپ، №112 جانە №174 مەكتەپتەردىڭ قوسىمشا عيماراتتارى پايدالانۋعا بەرىلدى. وسى وقۋ جىلىندا الماتى مەكتەپتەرىنە العاش رەت 32 مىڭنان استام ءبىرىنشى سىنىپ وقۋشىسى باردى، 11،5 مىڭ وقۋشىعا مەكتەپ اۆتوبۋستارى جۇرگىزىلدى.