الماتىدا بيىلدان باستاپ ەڭبەكاقى قورى مەن وقۋ پروسەسىن تولىق سيفرلىق باقىلاۋعا الاتىن ءبىرىڭعاي اۆتوماتتاندىرىلعان SANA جۇيەسىن ىسكە قوسۋ جوسپارلانۋدا. بۇل تۋرالى الماتى قالالىق ءبىلىم باسقارماسىنىڭ باسشىسى ساكەن ارالبايەۆ وڭىرلىك كوممۋنيكاسيالار قىزمەتىندەگى بريفينگتە مالىمدەدى، دەپ حابارلايدى NUR.KZ.
جاڭا جۇيە جالاقىنى، ۇستەمەاقىلاردى، ساعاتتار مەن پەداگوگيكالىق جۇكتەمەنى نورماتيۆتەرگە قاتاڭ سايكەس اۆتوماتتى تۇردە ەسەپتەۋگە مۇمكىندىك بەرەدى. بۇل تولەمدەردى ەسەپتەۋ كەزىندە ادام فاكتورىن جويادى. ارالباەۆتىڭ تۇسىندىرۋىنشە، مەكتەپتەر مەن بالاباقشالاردىڭ جۇمىس وقۋ جوسپارلارى بولىنگەن قارجىلاندىرۋمەن سالىستىرىلادى، ءاربىر ستاۆكا رەسمي راستالۋى ءتيىس. ەلەكتروندىق ۋاقىت كەستەلەرى قىزمەتكەرلەر مەن بالالاردىڭ نىسانداردا ناقتى بولۋىمەن QR-كودتار نەمەسە بيومەتريالىق باقىلاۋ ارقىلى سالىستىرىلادى.
جۇيە بۋحگالتەرلىك بازالارمەن تىكەلەي دەرەكتەر الماسىپ، ءاربىر پەداگوگتىڭ بىلىكتىلىك ءپروفيلىن تىركەيدى. بۇل اقشا تولەنگەنگە دەيىن قوس جالاقىنى، ساعاتتاردى قوسىمشا جازۋ نەمەسە «جاساندى» قىزمەتكەرلەردى اۆتوماتتى تۇردە انىقتاۋعا مۇمكىندىك بەرەدى. «ءبىز تولىق اشىقتىققا قول جەتكىزەمىز: قالالىق بيۋدجەتتەن بولىنگەن قاراجات تەك ناقتى وقۋ پروسەسىنە جانە ناقتى مۇعالىمدەرگە جۇمسالۋى ءتيىس»، — دەپ اتاپ ءوتتى ءبىلىم باسقارماسىنىڭ باسشىسى.