الماتى وبلىسىندا تۇرعىن ءۇي كەشەنىنىڭ اۋلاسىندا بولعان جول-كولىك وقيعاسىنان ەكى كامەلەتكە تولماعان بالا زارداپ شەكتى. وقيعا بەينەكامەراعا ءتۇسىپ، الەۋمەتتىك جەلىلەردە جاريالاندى. كولىك جۇرگىزۋشىسى جاۋاپكەرشىلىككە تارتىلدى، دەپ حابارلايدى infohub.kz سايتى.
almatinec_live Instagram-پاراقشاسىندا جاريالانعان كادرلاردا كولىكتىڭ «نۇريا» تۇرعىن ءۇي كەشەنىنىڭ اۋلاسىندا ەكى بالانى قاعىپ وتكەنى كورىنەدى. جەرگىلىكتى تۇرعىندار كولىك جىلدامدىعى ساعاتىنا شامامەن 40 شاقىرىم بولعان دەپ بولجادى.
جاريالانىم استىنداعى پىكىرلەردە الماتى وبلىسى پوليسيا دەپارتامەنتىنىڭ وكىلدەرى وقيعا 4 قىركۇيەكتە ساعات 18:20 شاماسىندا تالعار اۋدانىنىڭ بەساعاش اۋىلىندا بولعانىن ناقتىلادى. وقيعا سالدارىنان بالالار ءارتۇرلى جاراقات الىپ، قاجەتتى كومەك كورسەتۋ ءۇشىن مەديسينالىق مەكەمەگە جەتكىزىلدى.
پوليسەيلەر ەكى كامەلەتكە تولماعان جاياۋ جۇرگىنشىنى قاققان Chevrolet Cobalt كولىگىنىڭ 25 جاستاعى جۇرگىزۋشىسىن جاۋاپكەرشىلىككە تارتتى. قۇقىق قورعاۋ ورگاندارى جۇرگىزۋشىلەردى، اسىرەسە بالالار بولۋى مۇمكىن تۇرعىن ايماقتاردا، جول قوزعالىسى ەرەجەلەرىن قاتاڭ ساقتاۋعا شاقىرادى. ءاربىر جول قوزعالىسىنا قاتىسۋشىنىڭ قاۋىپسىزدىگى جۇرگىزۋشىلەردىڭ مۇقياتتىلىعى مەن جاۋاپكەرشىلىگىنە تىكەلەي بايلانىستى.