23 ماۋسىمدا الماتى وبلىسىنىڭ تاۋلى ايماعىندا 37 جاستاعى پوليسيا قىزمەتكەرى اسلان السەروۆتىڭ ورتەنگەن ءمايىتى تابىلدى. قوعامدا كەڭ رەزونانس تۋدىرعان وقيعا بويىنشا قىلمىستىق ءىس قوزعالدى. قايتىس بولعاننىڭ ايەلى ارايلىم السەروۆا كۇدىكتى رەتىندە ۇستالسا، وقيعا ورنىندا بولعان ءۇش كامەلەتكە تولماعان بالا ءۇي قاماۋىنا الىندى، دەپ حابارلايدى infohub.kz سايتى.
Ulysmedia باسىلىمى جاسوسپىرىمدەردىڭ ادۆوكاتتارىنان الىنعان جاڭا مالىمەتتەردى جاريالادى. ادۆوكات عالىم نۇرپەيىسوۆ ءوزىنىڭ قورعاۋىنداعى ءجاسوسپىرىمنىڭ قايتىس بولعان اسلان السەروۆتىڭ ۇلىنىڭ دوسى ەكەنىن مالىمدەدى. وقيعا بولعان كۇنى ءجاسوسپىرىم دوسىنىڭ ۇيىنە بەينەويىن ويناۋ ءۇشىن كەلگەن.
«ءبىز ساراپتاما تاعايىندادىق. ءقازىر ونىمەن پسيحولوگ جۇمىس ىستەپ جاتىر. ناتيجەلەرى كەيىن بەلگىلى بولادى. سەبەبى تەرگەۋشىلەر كامەلەتكە تولماعاندارعا قىسىم كورسەتىپ، ولارمەن سوتقا دەيىنگى كەلىسىم جاساسقان. ولار — كامەلەتكە تولماعاندار. ولاردىڭ نيەتى جوق. ولار بىلمەگەن، جوسپارلاماعان. وندا ەرلى-زايىپتىلار اراسىندا جانجال بولعان. بالالار شوكتىق كۇيدە بولعان. قىلمىستىق كودەكستە «ەكسەسس سوۋچاستيە» دەگەن ۇعىم بار. ول ورىسشا ايتقاندا، «نە ۆ تو ۆرەميا، نە ۆ توم مەستە»»، — دەپ ادۆوكاتتىڭ ءسوزىن كەلتىرەدى باسىلىم.