الماتى وبلىسىندا اتا-انالار وقۋ ماتەريالدارىنىڭ ساپاسىنا نارازى: تولىققاندى وقۋلىقتاردىڭ ورنىنا وقۋشىلارعا ا4 پاراقتارىنا باسىلىپ، قاعاز قىستىرعىشتارمەن بەكىتىلگەن ماتەريالدار بەرىلگەن. مۇنداي جاعدايدىڭ بەينەجازباسىن «پرەزيدەنتكە حاتتار» Telegram-ارناسى جاريالادى، دەپ حابارلايدى infohub.kz سايتى.
كادرلاردا ايەل قازاق ءتىلى، ماتەماتيكا جانە باسقا پاندەر بويىنشا كوشىرمەلەردى كورسەتىپ، ولاردى مەكتەپتە بەرگەنىن ايتادى. «ماسقارا. مۇنداي كىتاپتارمەن قانداي ءبىلىم الۋعا بولادى؟ بالام وسىنداي وقۋلىقتارمەن قالاي ءبىلىم الادى؟» — دەپ اشۋلانادى ول.
الماتى وبلىسى ءبىلىم باسقارماسى ءتورتىنشى سىنىپتاردا 224 بالا وقيتىنىن ءتۇسىندىردى. وقۋلىقتاردىڭ نەگىزگى جەتكىزىلىمى تامىزدا اياقتالعان، الايدا تامىز ايىنىڭ سوڭى مەن قىركۇيەكتىڭ باسىندا وقۋشىلاردى قابىلداۋ جالعاسقاندىقتان، كەيبىر كىتاپتار بارلىعىنا جەتپەي قالعان.
«وقۋشىلاردىڭ ناقتى سانىنىڭ ارتۋىنا بايلانىستى جەكەلەگەن وقۋلىقتاردىڭ ۋاقىتشا تاپشىلىعى ورىن الدى. وقۋ پروسەسىنىڭ ۇزدىكسىزدىگىن قامتاماسىز ەتۋ ماقساتىندا وقۋشىلارعا ۋاقىتشا ەلەكتروندى وقۋلىقتار مەن قولدا بار وقۋ ماتەريالدارىن پايدالانۋ مۇمكىندىگى بەرىلدى»، — دەپ اتاپ ءوتتى ۆەدومستۆودا.
سونىمەن قاتار، شەنەۋنىكتەر ەلەكتروندى وقۋلىقتاردى تولىعىمەن ا4 پاراقتارىنا باسىپ، مەكتەپكە اكەلۋ تالابى بالالارعا دا، اتا-انالارعا دا قويىلماعانىن اتاپ ءوتتى. جەتىسپەيتىن وقۋلىقتار ءقازىر قاراساي اۋدانىندا قوسىمشا ساتىپ الىنۋدا، مەكتەپتەرگە جەتكىزۋدى 7 قىركۇيەككە دەيىن اياقتاۋ جوسپارلانۋدا.
بۇعان دەيىن «كۋرسيۆ» قازاقستاندىق وقۋشىلاردىڭ وقۋلىقتارىنان 700 ەسكەرتۋ مەن قاتە تابىلعانىن حابارلاعان بولاتىن.