الماتىنىڭ مەدەۋ اۋدانىندا وليمپيسكايا كوشەسىنىڭ تىشقانبايەۆ پەن بايقوڭىر كوشەلەرى ارالىعىنداعى بولىگىندە كولىك قوزعالىسى ۋاقىتشا شەكتەلدى. شەكتەۋ 18 قىركۇيەككە دەيىن ساقتالادى، دەپ حابارلايدى infohub.kz سايتى.
قالا اكىمدىگىنىڭ تۇسىندىرۋىنشە، شارا كەرنەۋى 220 كۆ كابەلدىك ەلەكتر جەلىسىندەگى اپاتتىق-قالپىنا كەلتىرۋ جۇمىستارىنا بايلانىستى. جۇمىستار وليمپيسكايا كوشەسىندەگى №4ا ءۇيدىڭ ماڭىندا جۇرگىزىلۋدە.
«الماتىنىڭ مەدەۋ اۋدانىندا 18 قىركۇيەككە دەيىن وليمپيسكايا كوشەسىنىڭ ءبىر بولىگىندە كولىك قوزعالىسى ۋاقىتشا شەكتەلدى. شارا 220 كۆ كابەلدىك ەلەكتر جەلىسىندەگى اپاتتىق-قالپىنا كەلتىرۋ جۇمىستارىنا بايلانىستى. جۇمىستار وليمپيسكايا كوشەسىندەگى №4ا ءۇيدىڭ ماڭىندا جۇرگىزىلۋدە. ولار جۇرگىزىلىپ جاتقان ۋاقىتتا تىشقانبايەۆ پەن بايقوڭىر كوشەلەرىنىڭ ارالىعى جابىلدى»، — دەپ حابارلادى اكىمدىكتە.
ايتا كەتۋ كەرەك، جوندەۋ قاجەتتىلىگى №2363 لەپ-220 كۆ جەلىسىنىڭ كابەلدىك بولىگىنىڭ زاقىمدالۋىنان تۋىنداعان. سونىڭ سالدارىنان ەنەرگوجۇيە ءقازىر ءماجبۇرلى اجىراتىلعان سحەما بويىنشا جۇمىس ىستەپ تۇر، بۇل الماتى مەن الماتى اگلومەراسياسىنىڭ ەلەكترمەن جابدىقتاۋ سەنىمدىلىگىن تومەندەتەدى.
«قالىپتى سحەمانى قالپىنا كەلتىرۋ ءۇشىن «الاتاۋ جارىق كومپانياسى» اق ماماندارىنا تىكەلەي جول توسەمىنىڭ استىندا اپاتتىق جۇمىستار جۇرگىزۋ قاجەت. جۇمىستار قاۋىپسىزدىك تالاپتارىن ساقتاي وتىرىپ، تاۋلىك بويى جۇرگىزىلۋدە. ولار اياقتالعان سوڭ بۇزىلعان اباتتاندىرۋدى قالپىنا كەلتىرۋ جوسپارلانۋدا. قالا تۇرعىندارى مەن قوناقتارىنان كولىك قوزعالىسىنىڭ ۋاقىتشا شەكتەلۋىن ەسكەرىپ، مارشرۋتتارىن الدىن الا جوسپارلاۋدى سۇرايمىز»، — دەپ ءتۇسىندىردى ۆەدومستۆودا.