الماتىدا قۇقىق قورعاۋ ورگاندارى قىزمەتكەرلەرىنىڭ لاۋازىمدىق وكىلەتتىگىن اسىرا پايدالانۋى تۋرالى قىلمىستىق ءىس تەرگەلىپ جاتىر. ىسكە سەگىز ادام تارتىلدى، دەپ حابارلايدى infohub.kz سايتى.
«قازاقپارات» حابارلاۋىنشا، الەۋمەتتىك جەلىلەردە سەگىز ادامنان تۇراتىن توپتىڭ ۇستالعانى تۋرالى اقپارات تارادى. ولاردىڭ تورتەۋى — قازىرگى قىزمەتتەگى ورگان قىزمەتكەرلەرى، تاعى تورتەۋى ءار جىلدارى جۇمىستان شىعارىلعان.
اگەنتتىك دەرەگىنشە، ۇستالعاندار ەسىرتكى زاتتارىن تۇتىناتىن ادامداردان اقشا بوپسالاعانى ءۇشىن كۇدىككە ىلىنگەن. كۇدىكتىلەر «زاكلادچيك» دەپ اتالاتىنداردى باقىلاپ، ولارعا قىلمىستىق جاۋاپكەرشىلىك قورقىتۋىن ايتىپ، ءىرى كولەمدە اقشا بەرۋگە ماجبۇرلەگەن.
الماتى قالاسىنىڭ پروكۋراتۋراسى ورگانداردىڭ لاۋازىمدى تۇلعالارىنا قاتىستى تەرگەۋ باستالعانىن راستادى.
«الماتى قالاسى بويىنشا ۇقك تەرگەۋ ءبولىمى قۇقىق قورعاۋ ورگاندارىنىڭ لاۋازىمدى تۇلعالارىنا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا سوتقا دەيىنگى تەرگەۋدى باستاعانىن حابارلايمىز. سوتقا دەيىنگى تەرگەۋگە قاتىستى وزگە مالىمەتتەر جاريالاۋعا جاتپايدى (ق ر قىجك 201-بابى)»، — دەدى پروكۋراتۋرادا.