الەۋمەتتىك جەلىلەردە الماتى تۇرعىنىنىڭ ۇندەۋى تارادى. ول قالاداعى بازارلاردىڭ بىرىندە بولعان اۋىزشا جانجالدان كەيىن پوليسيا قىزمەتكەرلەرىن ارەكەتسىزدىك تانىتتى دەپ ايىپتادى. Threads جەلىسىندەگى جازبا اۆتورىنىڭ ايتۋىنشا، ونىڭ جۇبايى وزىنە قاراتىلعان بالاعات پەن ادەپسىز سوزدەردەن كەيىن پوليسيا شاقىرعان، دەپ حابارلايدى infohub.kz سايتى.
«وقيعا ورنىنا پوليسيا قىزمەتكەرلەرى كەلىپ، ارىزدى قابىلدادى. ءبىراق جاعدايدى انىقتاپ، ءتيىستى شارا قولدانۋدىڭ ورنىنا، كۇيەۋىمدى بالاعاتتاعان ادامدى جاي عانا جىبەرىپ قويدى. (...) سوڭىندا بالاعاتتاعان ادام پوليسيا قىزمەتكەرلەرىمەن قول الىسىپ، تىنىش كەتىپ قالدى»، — دەلىنگەن حابارلامادا.
جازبا استىنداعى پىكىرلەردە الماتى پوليسيا دەپارتامەنتى 12 قىركۇيەكتە «102» پۋلتىنە جانجال تۋرالى حابارلاما تۇسكەنىن راستادى. قىزمەتكەرلەر كەلگەندە ازاماتتار اراسىندا اۋىزشا جانجال بولعانى، ونىڭ بارىسىندا ءبىر قاتىسۋشى ادەپسىز سوزدەر ايتىپ، ءوزىن اگرەسسيۆتى ۇستاعانى انىقتالدى.
«وسى دەرەك بويىنشا قۇقىق بۇزۋشىعا قاتىستى ۋچاسكەلىك پوليسيا ينسپەكتورلارى ق ر اقبتك-نىڭ 434-بابى «ۇساق بۇزاقىلىق» بويىنشا اكىمشىلىك حاتتاما تولتىردى. ماتەريالدار پروسەستىك شەشىم قابىلداۋ ءۇشىن سوتقا جىبەرىلدى»، — دەپ سەندىردى پوليسيادا.