الماتىدا پوليسەيلەر پىشاق ۇستاعان جىگىتتەر توبى تۋرالى حابارلاما تۇسكەننەن كەيىن التى كۇدىكتىنى ۇستادى. جانجال كەزىندە ءبىر ادام پىشاق جاراقاتىن الدى، دەپ حابارلايدى infohub.kz سايتى.
تۇنگى وقيعا اقساي شاعىن اۋدانىندا بولدى. «102» پۋلتىنە پىشاعى بار جىگىتتەر توبى تۋرالى حابارلاما كەلىپ ءتۇستى. پوليسەيلەر دەرەۋ وقيعا ورنىنا جەتىپ، جانجال كەزىندە ءبىر جىگىتتىڭ پىشاق جاراقاتىن العانىن انىقتادى.
«ءىزىن سۋىتپاي «بۋران-308» ەكيپاجى وقيعاعا قاتىسى بولۋى مۇمكىن التى جىگىتتى ۇستادى»، – دەپ حابارلادى پوليسيادان. كۇدىكتىلەر اۋەزوۆ اۋدانىنىڭ پوليسيا باسقارماسىنا جەتكىزىلدى. ولاردىڭ كەيبىرەۋىنىڭ كيىمىنەن قانعا ۇقساس ىزدەر تابىلدى. سونداي-اق تەرگەۋ ءۇشىن ماڭىزى بار زاتتار الىندى.
ءقازىر تەرگەۋشىلەر وقيعانىڭ تولىق بەينەسىن قالپىنا كەلتىرىپ جاتىر. ولار جانجالدىڭ سەبەپتەرىن، ءاربىر قاتىسۋشىنىڭ ءرولىن انىقتاپ، پىشاق جاراقاتىن سالعان ادامدى تابۋى كەرەك.
«سوتقا دەيىنگى تەرگەۋ جالعاسىپ جاتىر»، – دەپ قوستى پوليسيادان.