الماتىدا تۇنگى جانجالدان كەيىن قىلمىستىق ءىس قوزعالدى. قالاداعى بارلاردىڭ ءبىرىنىڭ ماڭىندا بولعان توبەلەستە تانىمال قازاقستاندىق رەپەرگە قاتىسى بار دەپ كۇدىكتەنۋدە، دەپ حابارلايدى infohub.kz سايتى.
توبەلەسكە قاتىسى بار دەگەن كۇدىككە ىلىنگەن قازاقستاندىق رەپەر Qurt (دامير كويشۋبايەۆ) تۋرالى اقپارات Threads الەۋمەتتىك جەلىسىندە پايدا بولدى. «30 تامىزدان 31 تامىزعا قاراعان ءتۇنى، شامامەن تاڭعى 4-5 شاماسىندا فۋرمانوۆ، 118 مەكەنجايىندا شەشەندىك ونەر كۋرسىنىڭ تىڭداۋشىسى قاتتى ۇرىپ-سوعىلدى. زارداپ شەگۋشىنىڭ جانە كۋاگەرلەردىڭ ايتۋىنشا، ونى قازاقستاندىق رەپەر Qurt، دامير كويشۋبايەۆ ۇرعان»، — دەلىنگەن @qwertgyassd دەگەن پايدالانۋشىنىڭ جازباسىندا.
جاريالانىمعا سايكەس، زارداپ شەگۋشى ءوز تانىستارىمەن، ال رەپەر ءوز ادامدارىمەن باردا بولعان. كەيىن ەكى توپ اراسىندا اۋىزشا جانجال تۋىپ، ول مەكەمە سىرتىندا توبەلەسكە ۇلاسقان. جازبا اۆتورىنىڭ ايتۋىنشا، سونىڭ سالدارىنان ەر ادام جاراقات الىپ، اۋرۋحاناعا جات قىزىلعان.
الماتى پوليسيا دەپارتامەنتى NUR.KZ تىلشىسىنە بۇل دەرەك بويىنشا تەرگەۋ باستالعانىن مالىمدەدى. «وسى دەرەك بويىنشا مەدەۋ اۋدانىنىڭ پوليسيا باسقارماسى قىلمىستىق ءىس قوزعادى. بارلىق قاتىسۋشىنىڭ جەكە باسى انىقتالدى. ولاردى ۇستاۋ شارالارى قولدانىلۋدا. تەرگەۋ جالعاسۋدا. ونىڭ بارىسى دەپارتامەنت باسشىلىعىنىڭ باقىلاۋىندا»، — دەدى ۆەدومستۆودا.