الماتىدا سايىن كوشەسىندە سۋ تاسۋشى كولىگى قاتىسقان جول-كولىك وقيعاسى بولدى. وعان ۆەلوسيپەدشىنىڭ ءتۇسىپ قالعان كاسكاسى سەبەپ بولدى. بۇل تۋرالى infohub.kz سايتى حابارلايدى.
وقيعا الەۋمەتتىك جەلىلەردە تاراعان بەينەجازباعا ءتۇسىپ قالعان. كۋاگەرلەردىڭ ايتۋىنشا، جاعداي قايعىلى اياقتالۋى مۇمكىن ەدى: سۋ تاسۋشى كولىگى كولىك اعىنىنىڭ ورتاسىندا مەتالل قورشاۋعا سوقتىعىستى.
وقيعانىڭ ءمان-جايىن كەيىنىرەك الماتى قالالىق پوليسيا دەپارتامەنتىنىڭ ءباسپاسوز قىزمەتى حابارلادى. رەسمي مالىمەتكە سايكەس، بەينەجازبادا ەلەكتر ۆەلوسيپەدىنىڭ جۇرگىزۋشىسى قوزعالىس كەزىندە كاسكاسىن جوعالتىپ، ونى كوتەرۋ ءۇشىن توقتاعانى كورىنەدى. ارتىنشا كولىك اعىنى توقتايدى. وسى ساتتە سۋ تاسۋشى كولىگىنىڭ جۇرگىزۋشىسى تەجەۋگە ۇلگەرمەيدى. سوقتىعىسۋدان قاشۋعا تىرىسىپ، ول شەتكە بۇرىلىپ، مەتالل قورشاۋعا سوعىلادى. قۋانىشقا وراي، ەشكىم زارداپ شەكپەدى.
قازىرگى تاڭدا وقيعانىڭ ءمان-جايى انىقتالۋدا.
الماتى قالالىق پوليسيا دەپارتامەنتى سونداي-اق: «بۇل وقيعا تاعى ءبىر مارتە ەسكە سالادى: جولدا جاعداي بىرنەشە سەكۋند ىشىندە وزگەرۋى مۇمكىن — سوندىقتان قاشىقتىقتى ساقتاپ، الداعى كۇتپەگەن مانەۆرگە دايىن بولۋ ماڭىزدى»، — دەپ قوستى.