الماتىدا جولاۋشىلار «سايران» اۆتوۆوكزالىنداعى انتيسانيتارياعا شاعىمداندى. سىن ايتىلعان بەينەروليكتى Threads جەلىسىندەگى راسۋل توكپانوۆ جاريالادى، دەپ حابارلايدى infohub.kz.
كادرلاردان ۆوكزال عيماراتىنىڭ لاس ەكەنى، قوقىس پەن تەمەكى تۇقىلدارىنىڭ جان-جاقتا جاتقانى كورىنەدى. پوست اۆتورى جاعدايدى «90-جىلدارداعى توزاققا اپاراتىن قاقپامەن» سالىستىرىپ، ارزان تاعامنىڭ ءيىسى كولىك تۇتىنىنە ارالاسقانىن اتاپ ءوتتى. «ىشكە كىرگەن بويدا «تۇراقتىلىقتىڭ حوش ءيىسىن» سەزىنەسىڭ — قوقىس، كىر، تەمەكى تۇقىلدارى جانە ارزان تاعامنىڭ ءيىسى كولىك تۇتىنىنە ارالاسقان. الماتى، ءبىز شىنىمەن XXI عاسىرداعى مەگاپوليستە تۇرامىز با؟ ۆوكزالدا تازالىق دەگەننىڭ نە ەكەنىن مۇلدە بىلمەيتىن سياقتى. بۇل — 90-جىلدارداعى توزاققا اپاراتىن قاقپا»، — دەپ جازدى ول.
قالالىق كولىك باسقارماسى شاعىمعا جاۋاپ بەردى. وندا اۆتوۆوكزالدىڭ ءتيىستى سانيتارلىق جاعدايدا بولماۋى تۋرالى اقپارات نىسان يەسى — «Uni Route Station» جشس-نە ءتيىستى شارالار قابىلداۋ ءۇشىن جىبەرىلگەنى حابارلاندى. ۆەدومستۆو يەسىنە اۋماقتى كەشەندى تازالاۋ، انىقتالعان سانيتارلىق كەمشىلىكتەردى جويۋ جانە عيمارات پەن ىرگەلەس اۋماقتى كۇتىپ-ۇستاۋ باقىلاۋىن كۇشەيتۋ ماسەلەسى قويىلعانىن اتاپ ءوتتى. قابىلدانعان شارالاردىڭ ناتيجەسى بويىنشا اۆتوۆوكزال يەسى ەسەپ بەرۋى ءتيىس.