الماتىدا مۇگەدەك قىزدىڭ اناسى قىزىن شىمكەنتتەن كەلگەن بەيتانىس ەركەك زورلادى دەپ مالىمدەدى. ايەلدىڭ ايتۋىنشا، كۇدىكتى ناۋرىز ايىندا 26 جاستاعى انەلمەن ينتەرنەتتە تانىسىپ، وعان تاكسي شاقىرتىپ، جالدامالى پاتەردە زورلاعان. بۇل تۋرالى infohub.kz حابارلايدى.
اناسىنىڭ ايتۋىنشا، قىزىن پاتەردە تاۋلىك بويى ۇستاپ، ءۇش رەت زورلاعان. «بۇل جاي عانا قورلاۋ: جارىلۋلار، گەماتومالار بولدى. ول زورلاعانىن مويىندايدى، ءيا، ءبىراق بۇل كەلىسىلگەن دەپ ايتادى. بالانىڭ باسى دۇرىس ەمەس بولسا، قالايشا كەلىسىم بولۋى مۇمكىن؟ ول مەن ءۇشىن كىشكەنتاي بالا سياقتى. مۋلتفيلم كورەدى، وقي المايدى، ساعاتتى دا بىلمەيدى»، – دەيدى ايەل جىلاپ.
انەلگە بالا كەزىنەن ەپيلەپسيا جانە اقىل-ەسى كەمدىك دياگنوزى قويىلعان. ول كەڭىستىكتە باعدارلانبايدى، وقي دا، جازا دا المايدى. قىز 23 جاستاعى ەركەكپەن ءبىر ويىندا تانىسقان. ول شىمكەنتتەن كەزدەسۋگە كەلگەن.
انەلدىڭ ءوزىنىڭ ايتۋىنشا، تاكسي جۇرگىزۋشىسى ونى ەركەك كۇتىپ تۇرعان جەرگە اپارعان. ول سۋشي مەن شىرىن الدىرتقان، ولار فيلم كورگەن، سودان كەيىن تەلەديداردى وشىرگەن. «ول مەنىڭ قولىمنان ۇستاپ، موينىمدى تىستەپ الدى. مەن اناما تەلەفون سوققىڭ كەلدى. ول مەنىڭ تەلەفونىمدى ءوشىرىپ تاستادى. ەسىكتى كىلتپەن جاۋىپ قويدى. مەن قابىرعانى ۇرىپ، ايقايلادىم. ءبىراق ەشكىم ەستىمەدى»، – دەپ ءبولىستى قىز.
اناسى دەرەۋ دارىگەرگە جۇگىنگەن. دارىگەرلەر زورلىق فاكتىسىن راستاعان، دەيدى ايەل. پوليسيا قىلمىستىق ءىس قوزعاعان، ءبىراق ءۇش ايلىق تەرگەۋدەن كەيىن ونى توقتاتقان.
الماتى پد رەسمي وكىلى سالتانات ازىربەك: «جابىرلەنۋشىنىڭ دالەلدەرى راستالمادى. ق ر قىلمىستىق ءىس جۇرگىزۋ زاڭناماسىنىڭ تالاپتارىنا سايكەس، قىلمىستىق ءىس قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى. اۋدان پروكۋراتۋراسى قاداعالاۋشى ورگان رەتىندە بۇل شەشىممەن كەلىسىپ، ونى زاڭدى دەپ تانىدى»، – دەپ مالىمدەدى.