الماتىدا 500-دەن استام وتباسى ەلەكتر جارىعى مەن سۋسىز قالدى. سەبەبى تۇرعىن ءۇي كەشەنىنىڭ كوممۋنالدىق قىزمەتتەرگە قارىزى 34 ملن تەڭگەگە جەتكەن. پاتەر يەلەرى تولەمدەردى ۋاقىتىلى تولەپ وتىرعانىن ايتادى، دەپ حابارلايدى infohub.kz سايتى.

قالا ورتالىعىنا جاقىن ورنالاسقان بيزنەس-كلاستاعى ەكى 18 قاباتتى ءۇي تولىعىمەن جارىقتان اجىراتىلدى. جارىقپەن بىرگە پاتەرلەردە سۋ دا توقتاپ، ليفتىلەر ىستەمەي قالدى. ەلەكترمەن جابدىقتاۋشىعا 34 ملن تەڭگە قارىز بارىن تۇرعىندار تەك وشىرىلگەننەن كەيىن ءبىلدى.

«جارىق جوق، گاز جوق، سۋ جوق – بالانى جۋىندىرا المايمىز. مەن ءوزىم 12-قاباتتا تۇرامىن، اربامەن كوتەرىلۋ وتە قيىن. ونلاين جۇمىس ىستەيمىن، بۇل ونىمدىلىگىمە دە اسەر ەتەدى»، – دەدى تۇرعىن گۇلنۇر جۇماباەۆا.

كەشەن ەكى جىل بۇرىن پايدالانۋعا بەرىلگەن. ەلەكتر جارىعى تاڭەرتەڭ ەرتە وشىرىلگەندىكتەن، تۇرعىندار سۋ قورىن دا جيناپ ۇلگەرمەگەن. كوپبالالى اتا-انالار كىشكەنتاي بالالارىمەن جانە اربالارىمەن جوعارعى قاباتتارعا باسپالداقپەن كوتەرىلۋگە ءماجبۇر بولدى.

«ەلەكترسىز ءتۇسىرۋ دە، كوتەرۋ دە مۇمكىن ەمەس. ءوزىڭىز كوردىڭىز، كىشكەنتاي بالامەن قانشالىقتى قيىن. ونىڭ ۇستىنە كومەكتەسەتىن ەشكىم جوق»، – دەدى تۇرعىن فاتيا تاتاروۆا.

پاتەر يەلەرى كوممۋنالدىق تولەمدەردى تىكەلەي جابدىقتاۋشىعا ەمەس، باسقارۋشى كومپانياعا اۋدارىپ وتىرعانىن ايتتى. ەندى ولار اقشانىڭ نەگە ەنەرگەتيكتەرگە جەتپەگەنىن ءتۇسىندىرۋدى تالاپ ەتۋدە.

«ءبىز قۇرىلىس سالۋشى مەن باسقارۋشى كومپانيا اراسىنداعى ەكونوميكالىق جانجالدىڭ كەپىلى بولىپ قالدىق. سوت ارقىلى شەشسىن. سوت ىستەرى تەز جۇرمەيدى. ولار جىلدارعا سوزىلۋى مۇمكىن. بىزگە جارىق بەرىڭىزدەر!»، – دەدى تۇرعىن راحيليا كۋربانيازوۆا.

باسقارۋشى كومپانيانىڭ ديرەكتورى امير نۇرعوجانوۆ ۇيىم ورتاق م ۇلىكتى ۇستاۋمەن اينالىساتىنىن حابارلادى. ونىڭ ايتۋىنشا، قۇرىلىس سالۋشى كورسەتىلەتىن قىزمەتتەردى تولەۋدى توقتاتقان. الايدا تۇرعىندار اۋدارعان اقشانىڭ قايدا ەكەنىن تۇسىندىرە المادى.

– قۇرىلىس سالۋشى ءبىزدىڭ قىزمەتتەردى تولەۋدى توقتاتتى – تۇسىنەسىز بە؟

– سىزدەر تۇرعىنداردىڭ اقشاسىن وزدەرىڭىزگە قالدىرۋدى شەشتىڭىزدەر مە؟

– ونشا ەمەس. سوت ارقىلى جۇگىندىك. سوت شەشىمىمەن جەڭىسكە جەتتىك.

تۇرعىندار جەكە شوتتار اشىپ، ەلەكترمەن جابدىقتاۋشىعا تىكەلەي تولەۋدى قالايدى. قۇرىلىس كومپانياسىنىڭ وكىلى قۇرىلىس سالۋشى ۇيلەردى قالا بالانسىنا بەرۋمەن اينالىسىپ جاتقانىن مالىمدەدى.

«جەكە شوتتاردى اشۋ ءۇشىن تۇرعىنداردىڭ 70-80% ورنالاسۋى كەرەك. وسى كەزەڭدە بۇل پايىز جوق ەدى. سونىمەن قاتار سىرتقى جەلىلەردە اقاۋلار بولدى، ءقازىر ولار جويىلدى. ءبىز تاپسىرۋمەن اينالىسىپ جاتىرمىز»، – دەدى قۇرىلىس كومپانياسىنىڭ وكىلى راۋان باريمبەكوۆ.

«الاتاۋ جارىق كومپانياسى» مەنشىك يەلەرىنە جەكە شوتتار اشۋعا دايىن ەكەنىن مالىمدەدى. الايدا الدىمەن قۇرىلىس سالۋشى 34 ملن تەڭگە قارىزدى تولىق وتەۋى ءتيىس.

«ولاردان تولەم ۋاقىتىلى تۇسپەيتىندىكتەن، بۇل – شاراسىز قادام. ءبىز قۇرىلىس سالۋشىنىڭ قارىزدى تولىق وتەۋىن كۇتەمىز»، – دەدى «الاتاۋ جارىق كومپانياسى» فيليالىنىڭ اۋداندىق ەنەرگيا ساتۋ ءبولىمىنىڭ باستىعىنىڭ ورىنباسارى گۇلشات تەمىرتەكوۆا.

تۇرعىندار جارىقتى قايتارىپ، قارىزداردى وزدەرىنىڭ قاتىسۋىنسىز رەتتەۋدى تالاپ ەتۋدە. جارىق قاشان قايتا قوسىلاتىنى ازىرگە بەلگىسىز.