الماتىدا كابانباي باتىر مەن پانفيلوۆ كوشەلەرىنىڭ قيىلىسىندا ءتۇرلى-تۇستى ەرەكشە بەلگىلەر پايدا بولدى، دەپ حابارلايدى infohub.kz.
Kris.p.media Telegram-ارناسىندا جاريالانعان اقپاراتقا سايكەس، گەومەتريالىق فيگۋرالارمەن بەزەندىرىلگەن بۇل بەلگىلەر الماتىلىقتاردىڭ تاڭدانىسىن تۋدىردى.
ارنادا جاريالانعان ۆيدەو سيپاتتاماسىندا: "جۇرگىزۋشىلەر بۇل بەلگىلەردىڭ نە ءۇشىن قاجەت ەكەنىن، ولارمەن جۇرۋگە جانە ءتىپتى تۇراققا قويۋعا بولاتىنىن بولجاي الماي وتىر. ءبىر جاعىنان تۇتاس سىزىق، ەكىنشى جاعىنان تىيىم سالاتىن بەلگىلەر جوق. بۇل ەرەكشە كورىنەدى"، - دەلىنگەن.
قالا اكىمدىگى بۇل بەلگىلەردىڭ ماقساتىن ءتۇسىندىردى.
الماتى قالاسىنىڭ جول قوزعالىسىن ۇيىمداستىرۋ جانە جولاۋشىلار كولىگى باسقارماسىنىڭ مالىمەتىنشە: "پانفيلوۆ كوشەسى ماڭىنداعى قاۋىپسىزدىك ارالىنا ءتۇرلى-تۇستى بەلگىلەر وسى ۋچاسكەنىڭ كورىنۋىن ارتتىرۋ ءۇشىن سالىنعان. ول جۇرگىزۋشىلەر مەن جاياۋ جۇرگىنشىلەردىڭ نازارىن اۋدارىپ، جول بولىگىنە جاقىنداعاندا جاقسى باعدارلاۋعا جانە مۇقيات بولۋعا كومەكتەسەدى. نەگىزگى ماقسات - بارلىق جول قوزعالىسى قاتىسۋشىلارىنىڭ قاۋىپسىزدىگىن ارتتىرۋ. ايتا كەتۋ كەرەك، بەلگىلەر ءقازىردىڭ وزىندە بار قاۋىپسىزدىك ارالىنىڭ شەگىندە سالىنعان. جول بولىگى تارىلعان جوق، ونىڭ پارامەترلەرى مەن وتكىزۋ قابىلەتى وزگەرگەن جوق. جوبانىڭ ماڭىزدى مىندەتتەرىنىڭ ءبىرى - قاۋىپسىزدىك ارالىندا كولىك قۇرالدارىنىڭ توقتاۋى مەن تۇراققا قويىلۋىنىڭ الدىن الۋ. اشىق ءتۇستى بەزەندىرۋ بۇل ايماقتىڭ فۋنكسيونالدىق ماقساتىن كورنەكى تۇردە ەرەكشەلەپ، جول قوزعالىسىن ۇيىمداستىرۋ تالاپتارىنىڭ ساقتالۋىنا ىقپال ەتەدى".