الماتىدا قايىن ەنەسىن زورلادى دەگەن كۇدىكپەن ەر ادام ۇستالدى. مەگاپوليستىك پوليسيا دەپارتامەنتى ۇستاۋ ءساتىن جاريالادى، دەپ حابارلايدى infohub.kz سايتى.
بۇعان دەيىن الەۋمەتتىك جەلىلەردە الماتى تۇرعىنى 1961 جىلى تۋعان تۋىسىنا قاتىستى زورلىق-زومبىلىق جاساعانى تۋرالى اقپارات تاراعان. سونداي-اق، پوليسيا ساراپتاما جۇرگىزۋ ءۇشىن ءتيىستى قاۋلى ۇسىنباعانى ايتىلعان.
الماتى پوليسيا دەپارتامەنتى بۇل مالىمەتتەردى جوققا شىعاردى. ۆەدومستۆونىڭ رەسمي وكىلى سالتانات ازىربەك كۇدىكتىنىڭ ۇستالىپ، ۋاقىتشا ۇستاۋ يزولياتورىنا قامالعانىن مالىمدەدى. قىلمىس فاكتىسى بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلۋدە.
«الەۋمەتتىك جەلىلەردە ايەلدى زورلاۋ فاكتىسى بويىنشا قىلمىستىق ءىستى تەرگەۋ ءمان-جايىنا قاتىستى شىندىققا سايكەس كەلمەيتىن اقپارات تارالۋدا. بۇل ءىس بويىنشا اۋەزوۆ اۋدانىنىڭ پوليسيا باسقارماسى قىلمىستىق ءىس قوزعادى، كۇدىكتى ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلۋدە. تەرگەۋدىڭ ءتيىستى تۇردە جۇرگىزىلمەگەنى تۋرالى اقپارات شىندىققا سايكەس كەلمەيدى. كۇدىكتىنىڭ ارەكەتتەرىنە ءپرينسيپتى، وبەكتيۆتى قۇقىقتىق باعا بەرىلەدى. كىناسى انىقتالعان جاعدايدا، ول قازاقستان رەسپۋبليكاسىنىڭ زاڭناماسىنا سايكەس جازاعا تارتىلادى»، — دەپ دپ ءباسپاسوز قىزمەتى ازىربەكتىڭ ءسوزىن كەلتىردى.
پوليسيادا اقپاراتتىڭ دۇرىس ەمەستىگىن تاراتقان اۆتوردى جاۋاپكەرشىلىككە تارتۋ ماسەلەسى قارالىپ جاتقانىن دا اتاپ ءوتتى.